Starex ជំនាន់ទី២! កាន់មួយម៉ឺនស្តើងទិញបានហើយ! ចំណេញច្រើន ចូលចំណោមគេចុះ! គ្រួសារក៏បាន រកសុីក៏ត្រូវ!

Topic : Hyundai H1 ឬ Hyundai Starex ជំនាន់ទី២ I. Intro Hyundai H1 ឬ Hyundai Starex ជំនាន់ទី២! ទិញជំនុំៗ បើចេះមើល ល្អក្នុងការប្រើប្រាស់ តម្លៃធូរ ស័ក្តសមសម្រាប់បរិបទគ្រួសារ ហើយចំណេញបំផុត សម្រាប់ការ ប្រកបអាជីវកម្ម! កាន់លុយមួយម៉ឺនស្ដើង ទិញបាន! បងប្អូនដែលគិតគូរខ្លាំង ពីបញ្ហាសេដ្ឋកិច្ច មិនគួរមើលរំលង រថយន្តនេះឡើយ! H1 ឬ Starex គឺជារថយន្ត ដែលមានឈ្មោះបោះសម្លេងមួយ ដែលមានភាពពេញនិយមប្រើប្រាស់ច្រើន នៅក្នុងប្រទេសកម្ពុជាយើង ឱ្យតែលឺឈ្មោះ នរណាក៏ស្គាល់ វាគឺជារថយន្តប្រភេទ Van ឬក៏ MPV មួយម៉ូដែល របស់ក្រុមហ៊ុន Hyundai ដែលមកទល់ពេលបច្ចុប្បន្ននេះ វាបានវិវត្តខ្លួនទៅជា Hyundai Staria បាត់ទៅហើយ! បុព្វហេតុនៃ វីដេអូ នៅក្នុងរាត្រីនេះ Square Car សូមនាំអារម្មណ៍បងប្អូន ងាកមកផ្ដោតសំខាន់ ទៅលើរថយន្ត Van ដ៏ពេញនិយម នៅក្នុងព្រះរាជាណាចក្រកម្ពុជា នេះម្ដង! ព្រោះវាមាននូវគុណសម្បត្តិ ជាច្រើន ដែលអាចចំណេញខច្រើនសម្រាប់បងប្អូន ដែលជា ៖ អ្នកប្រើប្រាស់ទូទៅ, ម្ចាស់អាជីវកម្ម, និងអ្នកប្រកបរបស់រកស៊ី! ចង់ដឹងថា វាចំណេញអ្វីខ្លះ ទើបពួកយើង ហ៊ានសន្និដ្ឋានបែបនេះ? ដើម្បីកុំឱ្យខាតពេលវេលាយូរ សូមនាំអារម្មណ៍ បងប្អូន តាមដានទស្សនាវីដេអូ ដូចតទៅនេះ! II. Body ជាការពិតណាស់ ស្ថិតក្នុងជំនាន់ទី២ នេះ Starex ឬ H1 ទទួលបាន នូវការអភិវឌ្ឍន៍ទៅលើរូបរាង កាន់តែប្រសើរ ដែលបានផ្ដល់នូវ ៖ ភាពទាក់ទាញ ទំហំ ធំទូលាយ ៖ ទទឹងប្រវែង ៖ ១៩២០ មម បណ្ដោយប្រវែង ៖ ៥១២៥ មម គម្លាតកង់ប្រវែង ៖ ៣២០០ មម កម្ពស់ ១៩២៥ មម និងទម្ងន់ ចន្លោះពី ១៨៣២ - ២៦២០ គ.ក ១ បើនិយាយអំពីការរចនាផ្នែកខាងក្រៅវិញ H1 ជំនាន់ទី១ អាចចាត់ទុកជារថយន្ត MPV ១ ដែលចូលចំណោមគេចុះ! ដូច្នេះហើយ វាក៏អាចជាកត្តាមួយ សម្រាប់បងប្អូន ដែលកំពុងតែ កាន់លុយ រារែកចិត្ត គួរតែសម្រេចចិត្ត ចាយជីក ទៅលើវាដែរ! ២ ជម្រើសម៉ាស៊ីន ៖ រថយន្តដែលល្អ មិនមែនសម្ដៅលើ តែសម្បកក្រៅនោះទេ! ជាក់ស្ដែង H1 ឬ Starex ជំនាន់ទី១ មាននូវជម្រើសម៉ាស៊ីនជាច្រើនដូចជា ៖ Petrol: 2.4 L Theta II MPi I4 Petrol/LPG: 2.4 L Theta LPi I4 Diesel: 2.5 L D4BH TCi I4 2.5 L A II CRDI VGT I4[6] 2.5 L A II CRDI WGT I4 បងប្អូនប្រជាពលរដ្ឋកម្ពុជាយើង និយមប្រើជម្រើសម៉ាស៊ីនម៉ាស៊ូត ដែលវាជាកត្តា នាំមកនូវភាពសន្សំសំចៃមួយ ល្អសម្រាប់សេដ្ឋកិច្ចរបស់អ្នកប្រើប្រាស់ ប្រអប់លេខ មានជាជម្រើស ៖ ៥ វគ្គលេខដៃ ៦ វគ្គលេខដៃ ៤ វគ្គលេខអូតូម៉ាតិច ៥ វគ្គលេខអូតូម៉ាតិច កម្រិតស៊ីប្រេងឥន្ធនៈជាមធ្យម របស់វាគឺអាស្រ័យ ទៅតាមឆ្នាំផលិត ជម្រើសម៉ាស៊ីន ប្រអប់លេខ និងគុណភាពនៃរថយន្ត! ប៉ុន្ដែ បើតាមបទពិសោធន៍ជាក់ស្ដែង ដែល Admin ធ្លាប់បានដឹងពីមុនមក ពីបងប្អូន អ្នកប្រើប្រាស់ផ្ទាល់ គឺ១០០ គ.ម ចាយប្រហែល ចន្លោះពី ៧ លីត្រ - ៩ លីត្រ ជាមធ្យម ដែលគេអាចចាត់ទុកថាជា ភាពសន្សំសំចៃ មួយ ក្នុងការប្រើប្រាស់! ៣ ក្រៅពីរូបរាងផ្នែកខាងក្រៅ ក៏ដូចជាជម្រើសម៉ាស៊ីន ផ្នែកខាងក្នុង ក៏ជាចំណុចក្ដៅមួយដែរ! តួរយ៉ាងរថយន្ត Starex ឬ H1 ជំនាន់ទី២ បានផ្ដល់នូវទំហំធំទូលាយ ទាំងទទឹង និងកម្ពស់ ដែលនាំឱ្យ វាក្លាយជាជម្រើសល្អមួយសម្រាប់ គ្រួសារដែលមានសមាជិកច្រើន ក៏ដូចជាបងប្អូនដែលប្រកបអាជីវកម្ម មិនតែប៉ុណ្ណោះ ក៏រចនាផ្នែកខាងក្នុង ក៏មានរបៀបរៀបរយ មិនសាំភ្នែក ទទួលយកបាន សម្រាប់អ្នកប្រើប្រាស់ ទូទៅ ដោយមិនរើស វណ្ណៈ! III. Body បច្ចុប្បន្ននេះ បើទិញប្រភេទជំនុំៗ បងប្អូន អាចកាន់លុយបាន ត្រឹម ១ម៉ឺនដុល្លាជាងប៉ុណ្ណោះ! បញ្ជាក់ សម្រាប់ម៉ូដែល ឆ្នាំផលិត ២០០៨ - ២០១០ ប្រភេទមួយទឹក! តែបើចង់បានឆ្នាំផលិតខ្ពស់ ជាងនេះ អាចនឹងមានតម្លៃខ្ពស់បន្ដិច! តែយល់ល្អ យកឆ្នាំទាបៗ ល្មមៗទៅ បើបងប្អូនចង់ចំណេញថវិកាច្រើន ព្រោះរូបរាង ដូចតែគ្នា! សម្រាប់ Admin យល់ឃើញថា វាគឺជាតម្លៃមួយដ៏សមរម្យ សម្រាប់រថយន្ត MPV នេះ ព្រោះវាអាចផ្ដល់ឱ្យអ្នកប្រើប្រាស់នូវ គុណសម្បត្តិច្រើន!