આઠ પાસ યુવાને એક વીઘામાં બનાવ્યો તબેલો, આટલા પશુનો કરે છે નીભાવ

જૂનાગઢ : જૂનાગઢનું વંથલી તાલુકાના ધંધુસર ગામમાં 8000 થી વધુ વસ્તી છે. આ ગામમાં 5500 પશુનો સંખ્યાં છે. ગામનાં મોટાભાગનાં લોકો પશુપાલન સાથે જોડાયેલા છે અને સારી કમાણી કરી રહ્યાં છે. ધંધુસરનાં માલદેભાઇ દિવરાણીયાએ તબેલો બનાવ્યો છે. માલદેભાઇએ આઠ ધોરણ સુધી અભ્યાસ કર્યો છે. પશુપાલનનાં માધ્યમથી લાખોની કમાણી કરી રહ્યાં છે. માલદેભાઇને આ વ્યવસાય વારસામાં મળ્યો છે. ટૂંકી ખેતીમાં પશુપાલન કરી રહ્યાં છે. 40 જેટલા પશુઓનો કરી રહ્યા છે નિભાવ માલદેભાઈ દીવરાણીયા 40 જેટલા પશુઓનો હાલ નિભાવ કરી રહ્યા છે. જેમાં 2 પાડા, 10 ભેંસ, 18 નાના ખડેલા, 1 ગાય, 6 પાડીનો સમાવેશ થાય છે.અત્યાર સુધી વારસામાં મળેલા આ વ્યવસાયમાં તેમણે એક નવી રાહ પસંદ કરી છે. તેમના પિતા અને દાદાએ ગાય અને ભેંસને ચરાવી હતી. પણ તેમણે પોતાના બધા પશુઓને નિભાવ માટે ઘરમાં બધી વ્યવસ્થા ઊભી કરી છે. ઘરમાં જ હોજ સહિતની વસ્તુઓ બનાવી માલદેભાઈ દીવરાણીયા પાસે 3 વીઘા જમીન છે. જેમાં 1 વીઘા જમીનમાં તબેલો બનાવ્યો છે. બે વીઘામાં લીલાચારાનું વાવેતર કરી રહ્યા છે. હાલમાં આ પશુઓના નિભાવ પાછળ પ્રત્યેક પશુ દીઠ માલદેભાઈને 300 રૂપિયાનો ખર્ચો થઈ રહ્યો છે. ભેંસ જે પરિસ્થિતિમાં લાવ્યો તે રીતે જ સાચવું છું માલદેભાઈના જણાવ્યું હતુ; કે, હું જ્યારે હરિયાણામાં ભેંસ લેવા માટે ગયો ત્યારે ત્યાં તે ભેંસોને ખુબ સંભાળપૂર્વક રાખવામાં આવી છે. તેમને એમ લાગ્યું કે જે રીતે તેમને અહી સાંભળવામાં આવી રહી છે તે જ રીતે હું પણ મારા ઘરે આ પશુઓને અહી સાચવું છું. ગૃહ મંત્રીના હસ્તે મળ્યો એવોર્ડ કેન્દ્રીય ગૃહમંત્રી અમિત શાહ જૂનાગઢની મુલાકાત આવ્યાં હતાં. ત્યારે માલદેભાઈ દીવરાણીયાનું સન્માન કરવામાં આવ્યું હતું. આ સાથે જિલ્લા કક્ષાએ પણ સન્માન કરવામાં આવ્યું છે. ન્યૂઝ18 લોકલ એ એક હાઇપરલોકલ પ્લેટફોર્મ છે, જ્યાં તમને જિલ્લાઓના તાજા સમાચાર અને વીડિયો ગુજરાતી ભાષામાં પ્રાપ્ત થશે. ન્યૂઝ18 લોકલમાં તમને તમારી આસપાસ બનતા બનાવો, નાગરિકોને પડતી મુશ્કેલીના સમાચાર, વિવિધ ઉપયોગી માહિતી, તહેવારોની મહિતી, અભ્યાસ, નોકરીની તકો, વિવિધ જાહેરાત, સાફલ્ય ગાથા, તમારી આસપાસના ઐતિહાસિક તેમજ પ્રવાસન સ્થળોની માહિતી મળશે. Follow us @   / news18gujarati     / news18gujarati     / news18gujarati