مرحوم ياللي ما تحسب المخاسير/ كلمات الشاعر : سعدون العتيبي / أداء المنشد : ‏نمر الجذع

@adv1435 مونتاج مرحوم ياللي ما تحسب المخاسير/ كلمات الشاعر : سعدون العتيبي / أداء المنشد : ‏نمر الجذع لا والله الا راح عصر المناعير عصر الشيوخ مزبنين التوالي شوخ (ن) على وقت السلف والمظاهير يثنون دون ملاعبات السبالي أمثال غازي مشبع الذيب والطير ذخاير منوخ حميد الخصالي ريف الركاب اليا لفت بالخطاطير ولا حداهم ضيم سود الليالي وجه (ن) يبشر بالسعد والتباشير ما هو غريب (ن) فيه مدحاً يقالي مرحوم ياللي ما تحسب المخاسير تركزلك البيضاء على كل عالي أخرت لك مجداً مشيد كما النير ما مات أبو ناصر كفوه العيالي سربت عيالٍ (ن) ينطحون الطوابير شوخ (ن) على الجدان ماضي وتالي شوخ(ن) لهم حشمه وقيمه وتقدير ما هوب شوخ اليوم ياهملالي اللي تمشيخ بالرقع والأزارير ناس(ن) ترز أنفوسها ما تبالي البشت تلبسه البني الغنادير تمشيخو ياهل البشوت الطوالي وتمسمسو قدام شاشه وتصوير هذي مراجلكم على كل حالي هذا زمنكم مير معاد به خير لو كان سميتوه باسم(ن) مثالي سمو زمنكم عنتر وسالم الزير وسموه لو تبغون زيد الهلالي تقلبت في هالزمان المعاير وقت(ن) تغير فيه حتى الضلالي دون الخشب قامت تثنى المسامير وثويت أظهور مخزمات الجمالي والمسك قام يسوقه نافخ الكير وراع الجنوب اليوم صدره شمالي وتغيرت حتى هبوب المعاصير وقت(ن) تغير فيه حتى المفالي ما عاد يستغرب ترى كلش يصير قامت تهقوى فالأسود الثعالي