अहिल्यानगरचा ‘क्रांती’ चित्रपट महाराष्ट्रभर गाजणार! १६ ऑक्टोबरला प्रदर्शित | Ahilyanagar Pulse

अहिल्यानगरचा ‘क्रांती’ चित्रपट महाराष्ट्रभर गाजणार! 🔥 १६ ऑक्टोबर २०२६ रोजी संपूर्ण महाराष्ट्रात एकाचवेळी प्रदर्शित होणाऱ्या या मराठी चित्रपटाची सध्या चर्चा सुरू आहे. अहिल्यानगरचे नेत्रतज्ज्ञ डॉ. अर्जुन आनंद शिरसाठ यांनी या चित्रपटाची निर्मिती केली आहे. 🎬 अहिल्यानगरमध्ये साकारलेला ‘क्रांती’ चित्रपट चित्रपटाचे लेखन, कथा, पटकथा, संवाद, गीत, संगीत, संकलन, दिग्दर्शन आणि निर्मितीची जबाबदारी डॉ. अर्जुन शिरसाठ यांनी सांभाळली आहे. अभिनेत्री प्रियंका खोलगडे यांनी ‘क्रांती’ ही प्रमुख भूमिका साकारली असून, ॲड. महेश देवकाते ऊर्फ पत्री सरकार ‘कडकशेठ’ या खलनायकी भूमिकेत दिसणार आहेत. रमेश चौधरी यांनी क्रिएटिव्ह डायरेक्टर म्हणून काम पाहिले आहे. ‘पाणीपुरी’, ‘सालबर्डी’, ‘गुल्हेर’ आणि ‘बाबो’ या चित्रपटांशी त्यांचे दिग्दर्शक म्हणून नाव जोडले गेले आहे. सामाजिक विषयावर आधारित चित्रपट अत्याचारग्रस्त महिला आणि तिच्या कुटुंबावर होणारे परिणाम, पीडितांना न्याय मिळवून देण्याची गरज आणि अशा गुन्ह्यांना आळा घालण्यासाठी कठोर कायद्यांची आवश्यकता यावर ‘क्रांती’ चित्रपट भाष्य करतो. चित्रपटात “मान्ही बायको बायको बायको, बायको देखणा दिवा..!!” या अहिराणी गाण्याचाही समावेश आहे. अहिल्यानगरमधील कलाकारांना संधी न्यू आर्ट्स, कॉमर्स अँड सायन्स कॉलेज, डॉ. विखे पाटील मेडिकल कॉलेज, विळद घाट, प्रहार अकॅडमी, डॉ. सुंदर गोरे आणि श्री. राजूशेठ घुले यांची निवासस्थाने तसेच मांजरसुंबा येथे चित्रपटाचे चित्रीकरण करण्यात आले. चित्रपटात माधव अभ्यंकर, पुष्पा चौधरी, श्याम शिंदे, डॉ. तुषार दराडे, पल्लवी शेटे, तेजस आंधळे, राहुल सुराणा, शुभम् निर्मल, अक्षदा वर्मा, साक्षी दरेकर आणि अतुल यांनी विविध भूमिका साकारल्या आहेत. दिवंगत पुत्राच्या स्मृतीला श्रद्धांजली डॉ. अर्जुन शिरसाठ यांनी दिवंगत पुत्र अभिषेकच्या चित्रपट निर्मितीच्या स्वप्नाला श्रद्धांजली म्हणून चित्रपट निर्मिती क्षेत्रात पदार्पण केले. अभिषेकला चित्रपट, कॅमेरा, संकलन आणि संगीताची आवड होती. त्याने पियानोचे शास्त्रशुद्ध शिक्षण घेतले होते आणि संगीताच्या पाच परीक्षा उत्तीर्ण केल्या होत्या. मात्र, वयाच्या अवघ्या १७व्या वर्षी त्याचे अपघाती निधन झाले. डॉ. शिरसाठ यांच्या वडिलांचे नाव कै. आनंदराव अमृतराव शिरसाठ. त्यांच्या वाचनसंस्कारांतून डॉ. शिरसाठ यांची वैचारिक जडणघडण झाली. त्यांनी रणजित देसाई यांची ‘श्रीमान योगी’, विश्वास पाटील यांची ‘छावा’ आणि ‘पानिपत’, थोरले बाजीराव पेशवे यांच्या जीवनावरील ‘राऊ’, शिवाजी सावंत यांची ‘युगंधर’ आणि ‘मृत्युंजय’, महाकवी कालिदासांचे चरित्र, पु. ल. देशपांडे व व. पु. काळे यांचे साहित्य, शिरीष कणेकर यांचे ‘माझी फिल्लमबाजी’, नॉस्ट्रॅडॅमस यांचे चरित्र आणि इस्रायलच्या ‘मोसाद’ या गुप्तचर संघटनेविषयीचे पुस्तक वाचले आहे. अहिल्यानगरमधील कलाकारांना व्यासपीठ मिळवून देणारा ‘क्रांती’ हा चित्रपट ठरेल, असा विश्वास डॉ. अर्जुन शिरसाठ यांनी व्यक्त केला. अहिल्यानगरच्या कलाविश्वाची ओळख महाराष्ट्रभर पोहोचवणारा हा चित्रपट १६ ऑक्टोबरपासून आपल्या जवळच्या चित्रपटगृहात जाऊन आवर्जून पाहावा, असे आवाहन त्यांनी केले. ━━━━━━━━━━━━━━ 📺 अहिल्यानगर पल्स अहिल्यानगरच्या बातम्या, स्थानिक घडामोडी आणि विशेष वृत्तांकनासाठी आमचे YouTube चॅनेल Subscribe करा. 👍 व्हिडिओ Like करा. 💬 तुमची प्रतिक्रिया Comment मध्ये लिहा. 📲 बातमी मित्रपरिवारासोबत Share करा. #AhilyanagarPulse #क्रांती #KrantiMarathiMovie #Ahilyanagar #MarathiCinema #MarathiMovie #ArjunShirsath #PriyankaKholgade #MaheshDevkate #मराठीचित्रपट #अहिल्यानगरबातम्या