Bimaar Ko Maara Gaya | Sayyed Asgar Ali | Noha Imam Sajjad a.s. | 25 Muharram Noha 2025

Bismillah Hir Rehman Nir Rahim Ya Aliع Madad Nauha Details Nauha Title : Bimaar Ko Maara Gaya Nauhakhwan : Sayyed Asgar Ali Shayar : Saher Lucknowi Composer : Sayed Azhar Abbas (Afroz) Chorus : Own Rizvi Sangat Audio : Lawa Studio Production: Pure14 Official released by: @AsgarAliOfficial1 ✩Imam Sayyed e Sajjad (as) Noha #HussainPyaseHain #Muharram2025 #Noha2025 #hayesajjad #imamzainulabideen #25muharram Stay Tuned for More.. Social Media Handles Of Asgar Ali Facebook:   / asgaraliofficial1   Instagram: https://instagram.com/sayyedasgarali?... Lyrics Har mod pe bimaar ko mara gaya Haye Chlata hi raha phir bhi wo gardan ko jhukaye Zanjeero me jakda hua bimar ka tan hai Mushkil me dilo jaan e shahenshahe zaman hai Dooba hai badan khoon me aur khushk dahan hai Hamdard nahi koi kahin, door watan hai Is alam e gurbat me isey kaun bachaye Saf bandhe sitamgaar hain, badkaar khade hain Hatho me liye sang, jafakaar khade hain Khooni hain lahoo peene ko khunkhaar khade hain Har raah me har mod pe aghiyaar khade hain Koi to ho hum dard koi aass badhaye Baba hain na Abbas hain Qasim hain na Akbar Barbaad hui aal to wiraan hua ghar Ashoor ka wo din tha ke mehshar ka tha manzar Ye kehte huye sajda e khaliq me rakha sar Hai kaun madadgaar khuda tere siwaye Kyunkar na kare sabr ke baba bhi hai sabir Kis darja aziyat hai ye chehre se hai zahir Ruk jata hai, bimar to bimar hai akhir Qadmo ko uthata hai to girpadta hai Baqir Langar ko sambhale to usey tauq sataye Na paak zabano se ta'aruff wo karana Baghi ki bahen keh ke wo Zainab ko rulana Wo pusht se naaqe ki Sakina ko girana Wo shaam ke bazaro me maa bahno ka jaana Gar bhoolna chahe bhi to kis tarha bhulaye Alaam o masayeb ke siwa koi nahi paas Hai paas agar kuch to wo tanhai ka ahsas Har aankh me ansoo hain to har chehra hai be aass Tha naaz bahot jis pe nahi aaj wo Abbas Hai kaun jo bimar ko durro se bachaye Dam mera ulajhta hai, jo kehti hai Sakina Aur Pyaas ka ghalba hai, jo kehti hai Sakina Chalni mera seena hai, jo kehti hai Sakina Chup chaap wo sunta hai, jo kehti hai Sakina Haal apna Sakina ko bhala kaise bataye Ranjoor pe dhai gai kuch aysi qayamat Be aass nigaho se tapakti hai naqahat Kaise ho bayan Abid e bimar ki halat Kya is ko hi kehte hain Sahar ajr e Risalat Aulaad e Payambar ko musalaan sataye All Rights Reserved © By Sayyed Asgar Ali