བོད་སྐད་རླུང་འཕྲིན་ལས་རིམ། ༢༠༢༦།༡༠།༢༣ | དབུས་སྐད་ལས་རིམ།

1 སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་འཛམ་གླིང་ས་ཕྱོགས་གང་ས་ནས་ཕེབས་མཁན་ལ་མཇལ་ཁ་གནང་བ། 2 སྐབས་དགུ་པའི་དགེ་བཤེས་མ་དང་། བཙུན་མའི་འཇང་དགུན་ཆོས་ལ་ཕེབས་པ་རྣམས་ལ་འཕགས་བོད་གྲུབ་ཆེན་སྐྱེས་མའི་གསོལ་འདེབས་དད་པའི་མཆོད་སྤྲིན་གྱི་ལྗགས་ལུང་དང་། མཇལ་ཁ་བཀའ་དྲིན་སྩལ་གནང་ཡོད་པ། 3 བོད་ཀྱི་ཟློས་གར་ཚོགས་པ་དང་། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་། བལ་ཡུལ་ལྷ་མོ་ཚོགས་པ་གསུམ་གྱིས་ཚེ་དཔག་མེད་དྭངས་མ་བཅུད་འདྲེན་གྱི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས་ཡོད་པ། 4 ནག་ཆུ་སྦྲ་ཆེན་རྫོང་དུ་ས་ཡོམ་འགུལ་ཚད་ ༧ བྱས་པ་ཞིག་བརྒྱབ་འདུག 5 བོད་ནག་ཆུ་སྦྲ་ཆེན་རྫོང་གི་ས་ཡོམ་གོད་ཆག་ཁྲོད་རྐྱེན་འདས་ཀྱི་གྲངས་འབོར་ནི་རྒྱ་ནག་གཞུང་འབྲེལ་གྱིས་གསལ་བསྒྲགས་བྱས་པ་ལས་མང་བ་ཡོད་པ་བོད་མིའི་སྒྲིག་འཛུགས་དང་འབྲེལ་ཡོད་མི་སྣ་བཅས་ཀྱིས་གསུང་གི་འདུག 6 རྒྱ་ནག་གི་རྒྱལ་སྟོན་དུས་ཆེན་སྐབས་སུ་ལྷ་སའི་ནང་དམ་དྲག་ཆེན་པོ་ཡོད་པའི་ཐོག་དམིགས་བསལ་ཕོ་བྲང་པོ་ཏ་ལའི་ཁུལ་དུ་ཉེན་རྟོག་སྐོར་སྲུང་བའི་ལྟ་ཞིབ་ནན་པོ་ཡོད་འདུག 7 རྭ་རྒྱ་དགོན་པའི་མཁན་ཟུར་བློ་བཟང་བསྟན་པ་ལགས་ཀྱིས་༧གོང་ས་མཆོག་གི་སྐུ་པར་སོགས་ཉར་ཚགས་གནང་བའི་ཉེས་འཛུགས་འོག་རྒྱ་ནག་གཞུང་གིས་ཁོང་ལ་ལོ་ལྔའི་བཙོན་འཇུག་ཁྲིམས་ཐག་བཅད་པ་ནི་མི་རིགས་མཐུན་སྒྲིལ་གྱི་ཁྲིམས་ལག་བསྟར་བྱས་ཏེ་མི་རིགས་རྩ་བརླག་གཏོང་བའི་བྱ་ཐབས་ཡིན་པ་བརྗོད་ཀྱི་འདུག 8 མགོ་ལོག་ར་རྒྱའི་གངས་ལྗོངས་རྩྭ་ཐང་བུ་མོའི་སློབ་གྲྭ་འདི་ལོ་༢༡ གི་རྗེས་སུ་རྒྱ་ནག་གཞུང་གིས་སྒོ་བརྒྱབ་པ་ཡོད་ཅིང་། སློབ་གྲྭ་སྒོ་བརྒྱབ་དགོས་དོན་དང་སློབ་མ་ཚོ་གང་དུ་སློབ་ཞུགས་བྱ་མིན་ཁ་གསལ་མི་འདུག 9 བོད་ནང་སློབ་གྲྭ་སྒོ་བརྒྱབ་པའི་ཐད་ལ་བོད་མིའི་སྒྲིག་འཛུགས་ཀྱིས་བོད་ནང་གི་སློབ་གྲྭ་ཁག་ཏུ་མི་རིགས་གསོན་གནས་ཀྱི་ལས་དོན་འགྲུབ་བཞིན་པར་ངོས་འཛིན་གྱིས་སློབ་གྲྭ་སྒོ་བརྒྱབ་པ་ཡིན་སྐོར་གསུངས་འདུག 10 མགོ་ལོག་ཏུ་བོད་ཀྱི་སློབ་གྲྭ་ཁག་སྒོ་བརྒྱབ་པ་དང་རྒྱ་བསྒྱུར་སློབ་གསོ་ཤུགས་ཆེ་རུ་ཕྱིན་པར་སེམས་འཚབ། 11 མགོ་ལོག་གི་སློབ་གྲྭ་གསུམ་སྒོ་བརྒྱབ་པའི་གནད་དོན་དང་འབྲེལ་བའི་བཅའ་འདྲི། 12 ཨ་རིའི་ཆབ་སྲིད་ཚོགས་པ་སུས་གཞུང་འཛིན་མིན་ལ་མ་ལྟོས་པར་༧གོང་ས་མཆོག་དང་བོད་ཀྱི་གནད་དོན་ལ་རྒྱབ་སྐྱོར་གནང་བཞིན་ཡོད་པ། རྡ་སར་༧གོང་ས་མཆོག་གི་མཇལ་ཁར་བཅར་བའི་ཨ་རིའི་གྲོས་ཚོགས་འཐུས་མིས་གསུངས་པ། 13 ཡོ་རོབ་མཐུན་ཚོགས་ཀྱི་མགྲིན་ཚབ་པ་ཞིག་གིས་རྒྱ་ནག་གཞུང་ལ་རྒྱལ་ཚོགས་ཀྱི་ཁྱད་ལས་རྟོག་ཞིབ་པ་བོད་ནང་བཀག་འདོམས་མེད་པར་བསྐྱོད་བཅུག་དགོས་པའི་འབོད་སྐུལ་གནང་པ། 14 ཐེ་ཝན་དང་ཨའོ་སི་ཁྲོ་ལི་ཡའི་སྐུ་ཚབ་དོན་གཅོད་གསར་པ་བསྐོ་བཞག 15 དཔལ་ས་སྐྱ་༧གོང་མ་ཁྲི་ཆེན་རིན་པོ་ཆེན་མཆོག་གིས་སྒང་ཏོག་ཏུ་ཉི་ཡག་ནེེ་རཱཏྨྱ་ཆོས་ཚོགས་དབུ་འབྱེད་གནང་པ་དང་། འབྲས་ལྗོངས་སྤྱི་ཁྱབ་བློན་ཆེན་མཆོག་དང་མཇལ་འཕྲད་གནང་ཡོད་པ། 16 བལ་ཡུལ་ནང་ཆུ་ལོག་དང་འདམ་རྡོ་ཆུ་རུད་ཀྱི་གནོད་འཚེ་ཕོག་པ་ཚོར་བོད་པའི་དགེ་འདུན་པ་གཙོ་གྱུར་གྱི་སྤྱི་སྒེར་ཚོས་དཔལ་འབྱོར་དང་། ཛ་དྲག་ངལ་སེལ་གྱི་མཁོ་ཆས་བགོ་འགྲེམས་ཀྱིས་རོགས་སྐྱོར་གནང་འདུག Hosted on Acast. See acast.com/privacy (https://acast.com/privacy) for more information. Episode link: https://play.headliner.app/episode/35...