«Բարձր գրականություն»․ Արձակագիր Հովիկ Աֆյանի «Խոզի տարի» վեպը 20.04.2025

Գրականագետ, խմբագիր Արքմենիկ Նիկողոսյանը և արձակագիր Հովիկ Աֆյանը զրուցում են վերջինիս նոր՝ «Խոզի տարի» վեպի մասին։ Պատմություն՝ ցեխի ու գետի տարբերության մասին, ընդ որում ո՛չ ցեխն է ցեխ, ո՛չ գետն է գետ, պարզապես մարդն է՝ ցեխի ու գետի մեջ։ Ու եթե մարդը, ուրեմն՝ երկիրը։ Պատմություն՝ պատմական վիրահատության մասին, երբ մարդուն տալիս են խոզի սիրտ, ընդ որում հա՛մ մարդն է մարդ, հա՛մ խոզն է խոզ։ Ու եթե մարդուն, ուրեմն՝ երկրին։ Վերջապես՝ պատմություն «Հրե դատաստանի» մասին, որտեղ մեղադրողը ոչ պակաս մեղավոր է։ Բայց թող այս պատմությունը լինի մի լողալ սովորած մարդու մասին, որը մտնում է գետն ու լողում հոսանքին հակառակ՝ վստահ լինելով, որ միայն այդպես է հնարավոր անհնարին հաղթանակը։ Այս պատմությունը վեպ է, այն էլ՝ առաջին հաղթանակի մասին՝ մարդու։ Ու եթե մարդու, ուրեմն՝ երկրի։