橫樑冇鋼絲網？赤柱 One Stanley 點解入伙紙過咗關，屋宇署而家先查？｜關你港事研究所

你裝修鑿開塊樓板先至見到入面，平時連支尺都伸唔入去。今日拆三樣：屋宇署公告寫咗咩、百分比係邊個計出嚟、公屋螺絲同醫院槽係咪同一套把關。 你如果買過樓，收樓嗰陣多數睇牆身、睇窗、睇有冇滲水。石屎入面嘅鋼筋，你冇理由自己鑿開先買。赤柱黃麻角道一間獨立屋，屋宇署十月三日嘅公告用咗項目名 溫 Stanley。呢間屋2023年7月已經攞到入伙紙。業主買入之後裝修，代表今年一月先向屋宇署舉報，懷疑樓板結構安全有問題。