MINISTERE Y'UBUBANYI N'AMAHANGA YA USA YASHIZE HANZE IMIBARE Y'IMPUNZI ZINJIYE 2026.

Minisiteri y’Ububanyi n’Amahanga yashyize ahagaragara imibare igaragaza ko kwakira Abafrikaner bo muri Afurika y’Epfo bikomeje Mu mibare iheruka gushyirwa ahagaragara mbere y’uko umwaka w’ingengo y’imari urangira, U.S. Department of State yatangaje ko kugeza mu mpera z’ukwezi kwa 8, abantu 12,904 bari bamaze kwakirwa muri Leta Zunze Ubumwe za Amerika binyuze muri U.S. Refugee Admissions Program (USRAP) mu mwaka w’ingengo y’imari wa 2026. Muri abo bantu 12,904, 12,901 bakomoka muri Afurika y’Epfo, kandi benshi muri bo ni Abafrikaner b’abazungu. Mu kwezi kwa 8 honyine, Abafrikaner barenga 2,500 barakiriwe, bikaba bivugwa ko ari wo mubare munini wakiriwe mu kwezi kumwe kugeza ubu. Nubwo bimeze bityo, inyandiko ivuga ko ubuyobozi butari ku murongo wo kugera ku ntego y’abantu 17,500 mbere y’uko umwaka w’ingengo y’imari urangira ku itariki ya 30/9. Mu kwezi kwa 5, umubare ntarengwa w’impunzi wagombaga kwakirwa wari warazamuwe uva ku 7,500 ugera ku 17,500, nyuma y’itangazo ryihutirwa. Mu mpera z’uku kwezi, abayobozi b’ubutegetsi bazagirana ibiganiro na Congress ku cyemezo gishya cya Perezida kizagena umubare w’impunzi Amerika izakira mu mwaka w’ingengo y’imari wa 2027. Ku itariki ya 3/9, Refugee Council USA yasohoye ibaruwa ifunguye isaba ko gahunda yo gutunganya no kwakira impunzi yasubukurwa mu buryo bwuzuye kandi butarimo ivangura, kugira ngo harindwe impunzi ziri mu kaga gakomeye kandi ubuzima bwazo bukaba buri mu gihirahiro. Ibyatangajwe na CWS Perezida akaba n’Umuyobozi Mukuru wa Church World Service (CWS), Rick Santos, yavuze ko Ibyanditswe Byera bisaba abantu gukunda umunyamahanga, bibuka ko na bo bigeze kuba abanyamahanga. Yavuze kandi ko Refugee Act of 1980 yashimangiye iyo ndangagaciro. Yakomeje avuga ko icyemezo cy’umwaka ushize cyahariye hafi imyanya yose yo kwakira impunzi itsinda rimwe ry’abantu, mu gihe ibihumbi byinshi by’impunzi zari zarasuzumwe kandi zikemererwa kwakirwa muri Amerika zasigaye zitegereje. CWS ivuga ko irimo kurwanya icyo kibazo mu rubanza Pacito v. Rubio. Mu gihe ubuyobozi bwitegura gushyiraho umubare mushya w’impunzi zizemererwa kwinjira muri Amerika, CWS irasaba ko hashyirwaho gahunda itarimo ivangura, ishingiye ku bukene n’akaga impunzi zihura na byo ku rwego rw’isi ndetse no ku gaciro impunzi zizanira imiryango n’abaturage bo muri Leta Zunze Ubumwe za Amerika.