玩轉東部華僑城😍黑森林嘉途酒店

平時在深圳唔知周末可以同小朋友去邊？今次行程全程圍繞東部華僑城，主打適合一家大細打卡放電，仲有水上party、playroom同森林小火車等精彩活動，啱晒親子度假！ 行程亮點 酒店有成套專為小朋友而設的設施，設有可愛親子房、室內外兒童樂園，bb專屬泳池仲有水上派對活動！大人可以嘆住酒店嘅舒適環境，細路仔就可以盡情放電。行程重點推薦一定要去坐森林小火車，穿梭喺生態原始森林之間，超治癒又打卡able！ 景點盤點推薦 1️⃣ 深圳東部華僑城黑森林嘉途酒店 📍 地址：梅沙街道茵特拉根天麓街區旁 酒店環境非常新淨，清潔衛生，服務態度友善，親子設施超多：有兒童樂園、playroom、室內外小樂場，仲設有bb專屬泳池，水上派對超受歡迎！房間款式多，部分有滑梯，完全係細路天堂。 但注意酒店套餐較少同偏貴，性價比低😂。 而地理位置偏遠，如果要叫外賣就要等約1個多小時。 （小貼士：一開始我用wechat既美團叫外賣系俾唔到錢，最後嘗試轉用Dianping 叫外賣先比到錢） 而另一個選擇就係去森林小火車站嗰邊，嗰邊原來會有啲小型嘅攤檔都有嘢食，起碼唔使等一個鐘頭外賣，同價錢合理得多！（但因為我第二日先知道，所以我哋就無緣去試啦！） 2️⃣ 東部華僑城森林小火車站 📍 地址：東部華僑城大俠谷 ⏰ 開放時間：全年全日營業 小火車係本地超人氣親子活動之一！穿越大俠谷原始森林，沿途風景超靚，完全唔覺得自己仲喺城市。小朋友坐到好開心，可以同家長一齊感受「森」呼吸。 而小火車站係上車時可以買到零食、雪糕同飲品，等你一邊搭車一邊品嚐！記得喺火車站度買會平啲咖！ 親子小貼士 1. 酒店bb泳池同水上party必玩！而且唔係每日有。所以大家就要按照翻酒店嘅活動時間表黎安排啦！ 2. Playroom同室外兒童樂園適合較小既小朋友，大啲細路仔推薦參加丛林穿越活動，但我哋冇參與到，睇佢外觀其實都幾吸引嘅。 3. 森林小火車遊玩建議選擇天氣好啲日子，避開雨季。 4. 建議帶多啲輕便換洗衣服、泳衣，因為小朋友基本上衝完一輪又要換。 5. 酒店餐廳係冇選擇可言，可以自備零食或小食備用，但都有自動售賣機埋零食同嘢飲，價錢可接受。 交通攻略 推薦打車，酒店門口上落幾方便。 （但注意打車走時，唔需要預早太多去叫車，因為我地一叫完車基本上2分鐘就有車（可能我地好彩啦）。如要司機等陣既話，需要叫佢出返去酒店出面等你，因超過15分鐘酒店係要收取停車場費嫁！） 。乘搭地鐵，在沙井南站或大梅沙站轉乘的士， 車程約20分鐘。 全程親子友善，BB車推行基本無障礙。 酒店距離深圳市區需約40分鐘車程。 餐飲 酒店自助餐好一般，醫下肚尚可，但連咖啡都冇真係有啲過分！！！加上人多，有啲似搶食咁。 目的地實用tips 酒店設施新，遊玩前可以提前同前台溝通參加活動時間安排。 部分設施需提前預約，建議到店即刻確認報名。 小火車全日開放，即使旺季也唔太需要排長龍。 玩完森林小火車，可以行埋入去華僑城園區睇吓，雖然個樣好似荒廢咗咁，但係踩下水上單車，同玩吓其他活動都唔錯！始終路程咁遠，唔好蝕啊！ #深圳親子遊 #東部華僑城攻略 #酒店打卡 #家庭度假 #深圳週末推介