HUSIK HAU HADOMI O || Poezia Liurai Aifunan

HUSIK HA'U HADOMI Ó Poezia Liurai Ai-Funan Music by : Jeki Jeksen Title : Musik Puisi, Backsound Puisi, Instrumen Puisi, No Copyright - Sedih - Romantis Link :    • Backsound Puisi No Copyright | Persahabata...   Ha'u Laiha Razaun Atu Hatan Tambasa Fuan Ne'e Hili Ó Ha'u Laiha Razaun Atu Hatan Tamba-sa Tenki Hadomi Ó Subar-Subar Karik Tamba Ó-nia Oin Nia Furak Ó-nia Hamnasa Nia Midar Eh ! Ó-nia Lian Nia Maus ! Ha'u Laiha Opsaun Só Bele Nonok De'it Hodi Hein Destinu Nia Desizaun Ha'u Halai Ba Foho-Leten Buka Lian Nia Hatan Hakilar Hasoru Loron-Matan Ha'u Halai Ba Ai-laran Tuan Buka Lian Nia Hatan Hakilar Hasoru Ai-hun Sira Ha'u Hakarak Hadomi Ó Hanesan Loron-Matan Ne'ebé Nafatin Fó Roman ba Mundu Maski Dala-Barak, Mundu la Preokupa ho Nia prezensa Ha'u Hakarak Hadomi Ó Hanesan Ai-hun... Ne'ebé Nafatin Bidu ho Haksolok Hodi Simu Anin-Fuik Nia Prezensa Maski Nia Hatene ona Prezensa Ne'e Sei Hatohar Nia Sanak no Hamonu Nia Tahan Sira Ha'u Hakarak Hadomi Ó Hanesan Ai-maran... Ne'ebé Nafatin Hasa'e Nia-aan Hodi halakan ahi ho Nonok Maski Nia hatene Ona, Ikus-mai Nia Sei Sai Ahuk-desan Hanesan Ai-Tahan Maran... Ne'ebé La Hirus, La Rai Ódiu ba Anin... Wainhira Tempu To'o Ó Hili dalan Hodi ba Moris hamutuk ho Nia Ne'ebé Mak Ó Hadomi... Ha'u Sei la Hirus, La Rai Ódiu iha Ha'u Fuan Basá...Ha'u Mak Hakarak Hadomi Ó... Maski La Na'in ba Domin ne'e. HUSIK HA'U HADOMI Ó