Məhəbbət Kazımov - Mahnılardan Yığma

Məhəbbət Kazımov - Mahnılardan Yığma Mahnı Sözləri: Ay İlk Məhəbbətim Sən nə istəyirdin, nələr itirdin? Qorxma kül olmaqdan, yan, məhəbbətim. Sən mənim başıma nələr gətirdin, Ay ilk məhəbbətim, son məhəbbətim. O parlaq sevgimdən çox utanıbdan, Ulduzlar eşqimdən qızartı dərmiş. İnsanlar bir dəfə doğulduğundan, Elə bir dəfə də sevə bilərmiş... Mənəm, milyard naxış səpmişəm göyə, De, varmı hesabı naxışlarımın. Kirpiklər özgəyə baxmayım deyə, Çəkir keşiyini baxışlarımın... Elə sızıldayır qəlbim tar kimi, Sən kimin eşqini daşıyacaqsan. Bəlkə də divarlar, maşınlar kimi, Sən də məhəbbətsiz yaşayacaqsan... Burda tənhalıqdan lap iyrənmişəm, Qoy meh sığallasın telini sənin. Gedib yetmiş iki dil öyrənmişəm, Hələ tapmamışam dilini sənin... Sən bir soyuq ulduz, mən gözləri nəm, Eybi yox, mənimçün həmişə varsan. Sıxma ürəyimi, ürək cəhənnəm, Axı sən ordasan, sən sıxılarsan... © 2018 Badukuba Records. Bu materiallar müəllif hüquqları ilə qorunur. Kopyalanması və paylaşılması qadağandır. #mehebbetkazimov #mahnilardanyiğma