[Ep-137] បារាំងបំបាក់សៀម សង្គ្រោះកម្ពុជា និងឡាវ

បុគ្គលសំខាន់ជាងគេក្នុងព្រឹត្តិការណ៍វិបត្តិបារាំង-សៀមនៅឆ្នាំ១៨៩៣ គឺលោក Auguste Pavie ដែលជាអគ្គកុងស៊ុលបារាំងប្រចាំក្រុងបាងកក។ ប៉ាវី ចង់បង្រួមអំណាចរបស់សៀមដែលបានឈ្លានពានប្រទេសជិតខាងមិនចេះឆ្អែតឆ្អន់នោះ និងពង្រីកការកាន់កាប់របស់បារាំងនៅលើដែនដីដែលសៀមបានរំលោភបំពានពីមុន។ ប៉ាវី មានសេចក្តីរីករាយចំពោះប្រជាជនលាវនិងកម្ពុជាយ៉ាងខ្លាំង ហើយប្តេជ្ញាចិត្តយ៉ាងមុតមាំក្នុងការបញ្ចុះបញ្ចូលរដ្ឋាភិបាលបារាំងឱ្យការពារព្រះមហាក្សត្រខ្មែរ ព្រះអង្គម្ចាស់លាវ និងប្រទេសទាំង២ ពីការឈ្លានពានជិះជាន់របស់ពួកសៀមសណ្ដានចោរ។