DD News Mizoram Chanchinthar | 15 October 2026 | 6:30 PM

CHANCHINTHAR Local: 1. Larsap Gen.VK Singh chuan ramri behchhana sumdawnna tihchangtlun dan tur sawrkar hotute a sawipui. 2. CM Charitable Trust hmalakna kaltlanga hmuh Lunglei Civil Hospital-a hman tur CSR Ambulance chu Chief Minister Pu Lalduhoma'n Health & family Welfare hotute hnenah a hlan. 3. School Education Minister Dr. Vnalalthlana chuan vawiin khan MBSE buatsaih Random Examination 2025 Report card leh Mobile App pahnih a tlangzarh. 4. Land Revenue & Settlement Minister Pu B. Lalchhanzova chuan Thenzawla sawrkar hmunhma thawm that leh hmasawnna hna thawh mekte chu vawiin khan a tlawh. 5. Ni hnih chhunga cham tura Champhai tlawhtu North Eastern Council Secretary Satinder Kumar Bhalla chuan Champhaia hmasawnna hnathawh hrang hrangte a hmunah tlawhin a enfiah. 6. Adviser to Chief Minister Dr. K.C. Lalmalsawmzauva chuan vawiin khan Mizoram Food & Allied Industries Corporation Limited (MIFCO) thil siam tharte a phochhuak. 7. Ministry of Ports, Shipping and Waterways sum senga Khawthlangtuipui kama lawng chawlhhmun sakna tur chu vawiin khan Transport Director leh official pawimawh dangten an enho. 8. Information & Public Relations (I&PR) chuan October 1-a accident vanga boral DDK Aizawl Director (News) Nampibou Marinmai chhungte pualin hun an hmang. National: 1. Vice President C.P. Radhakrishnan chuan naupang hriselna chu ramin a ngaih pawimawh ber a ni tur a ni, a ti. 2. Prime Minister Narendra Modi an India aiawha Asian Games-a telte vawiin khan Major Dhyan Chand National Stadium, New Delhi-ah a kawm. 3. National Payments Corporation of India (NPCI) chuan UPI kaltlanga mimal leh dawrkai thenkhatte hnena pawisa thawn man chawi a lak tan hun tur a sawn hla. 4. Hmarchhak, Northeast biala Visa Application Centre hmasa ber chu Assam Chief Minister Dr. Himanta Biswa Sarma an Guwahati-ah a hawng. 5. Union Defence Minister Rajnath Singh chuan India in mahni ram chhung ngeia siamchhuah ralthuam leh venhimna lam hmanruate khawvel ram za dawn hnenah a thawnchhuak mek tih a sawi. 6. Ram chhung venhimna thuamchak nan Ministry of Defence-in GSAT-7C leh Torpedoes leina thuthlung a ziak. 7. Prime Minister Narendra Modi an Ladakh-ah cheng vbc. sang 3,350 hu hmasawnna hnathawh panga a tlangzarh. 8. NITI Aayog hnuaia Frontier Tech Hub chuan India rama data centre te tluantling zawka a than chhoh zel theih nan leh state sawrkar-te tha taka kaihruai turin 'Data Centre Evaluation Framework' a tlangzarh. Follow DD Mizoram:   / ddnewsmizoram     / ddnews_mizoram     / ddnewsmizoram