TVB 體育世界 - 港籃主場2017 #3 梁民熊

體育世界 - 港籃主場 2017 EP3 名人堂: - 梁民熊 今季焦點之一，當然係轉會南青嘅梁民熊。 阿Bear打飛鷹出身，堪稱香港籃壇小巨人，以前睇佢打飛鷹真係賞心悅目（主要係進攻😆）。好記得佢拎40分嗰場波射到癲咗，成為一時佳話。比賽時成日都有神來之筆，佢嘅球風真係有啲似而家NBA嘅咖哩仔。 經歷三季南華，睇嚟以往防守方面較弱嘅阿Bear 應該進步唔少，而家轉去南青，佢形容為「新階段」，一齊聽吓佢講吓多年來嘅心路歷程。 #全場走籃挑戰 John Wall 比賽中只係用3. 幾秒上籃，Bear 就用咗4.17秒，自問快嘅可以挑吓佢機😎 每周精選 - 重溫兩場第二輪嘅甲一賽事 頭場: 永倫 對 標準福建 尾場: 東方龍獅 對 南青 #港籃主場 #支持香港籃球 #梁民熊