Aey Chand Karbala Ke (Salam by Syed Ali Zaidi)

Recited at IEC Husaini Chicago, USA on 6/15/2026 Moharram 2026 Aye chand karbala ke, tu ne to dekhe hongay utray thay is zameen par, arshay bari ke taare ay chaand jalwagar hai hashim ka chaand ya par khairaat roshni ki le li jiyo yahan se ay chand.... ay chaand is zameen par rakhiyo hamesha thandak sotay jo hai yahan par zehra ke hain ye pyare ay chand.... tasneem-o-sal-sabeelo kausar ke hai ye maalik maare gaye jo pyase is neher ke kanarey ay chand.... Hur aur habeeb jaise jaabaaz aur ahibba maare gaye yaheen par ansaar shahe dee ke ay chand.... maare gaye yaheen par be-dardiyo sitam se zainab ke dono pyare muslim ke dono bete ay chand.... pamaal ho rahi thi qasim ki laash run may abbas aur sarwar chuntey thay unke tukrhay ay chand.... baazu katay yaheen par abbas-e-bawafa ke izn-e-wigha(n) na paaya pani bhi laa na paaye ay chand....   is sar zameen pa guzra sarwar pa ye bhi sadma seene pa khaayi barchi ham shakl-e- mustufa ne ay chand.... pani pilaane laaye ek meh laQa ko sarwar ki ghazab hurmula ne teere sitam laga ke ay chand.... gardan chidi pisar ki baazu chida padar ka dono tadap tadap kar pyase jahan se guzre ay chand.... is ban may ek bachi baba ko dhoondti thi bikhre huwe parhay thay jab sar bureeda(n) laashay ay chand.... phir yeh bhi tu ne dekha woh gham raseeda bachi seeney pa so rahi thi besar padar se lipti ay chand.... baazu bandhay yaheen per pehle-pahal haram ke is sar zameen se niklay sajjad sar jhukaye ay chand.... shehzada e jina hi maalik haikarbala ka kiski majaal aaye jab tak na wo bulaaye ay chand.... pahuncha hai karbala may nacheez sibte jafar ay kaash ke muqaddar humko ye din dikhaye ay chand....