عمر طه الزيبق

#قصص_الجاسوسية #الجيش_المصري #ملفات_المخابرات يوم 5 مايو سنة 2003... و تحديدا جوه شقة في تل أبيب، كان فيه رجل واقف ورا الستارة، عينه على عربية مرسيدس سودا واقفة تحت العمارة. العربية مش بتتحرك، واللي جواها كمان مكنوش باينين، لكن وجود العربية دي في الوقت ده كان كفاية يخليه يفهم إن فيه حاجة غلط. خمس سنين كاملين من الشغل الي ماكل فيهم الموساد الاونطة ممكن تنتهي في لحظة واحدة، ولو اتكشف دلوقتي، مش بس هو اللي هيكون في خطر، لكن كل الأسرار اللي عرفها، وكل الخيوط اللي اشتغل عليها، واللي كان بيبعتها للمخابرات العامة للدرجة اللي خلت المخابرات المصرية كانهم قاعدين جوه الموساد كل كلمة و كل حركة كان سمعنها وشايفنها كل ده كان هايتعرف و يتكشف و يقع في ايد الموساد . الوقت كان بيمر و الرجل ده كان عارف إن الوقت بيخلص، وإن أي حركة غلط ممكن تكون آخر غلطة يعملها في حياته. وبعدها، وفي خلال اقل من 5 دقايق ، مجموعة من ضباط الموساد اتحركت ناحية الشقة، وبدأت تقتحم المكان. الباب اتكسر، والضباط دخلوا بسرعة، وكل واحد فيهم متوقع يلاقي الرجل اللي بيدوروا عليه. لكن المفاجأة كانت إن الشقة فاضية!