شيلة من كلمات الشاعر/ محمد بن جايد البقمي واداء/ خالد السنحاني

شيلة من كلمات الشاعر/ محمد بن جايد البقمي واداء/ خالد السنحاني في حفل ابناء الشيخ / بعيجان بن مشرع البقمي رحمه الله وقفت في حفلة طويلين الايمان واخترت من جزل المثايل فريده هواجسي تمطر من الشعر ودان واقطف ثمار مهوزعات الجريده اليا دعاني واجبي جيت شفقان وليا زهمني محزمي جيت سيده البست مهرة فكرتي سرج وعنان وارقيتها صرح الحصون العنيده اعد نفسي واحداً من هل الشان ابدي الترحيب وارجع واعيده يامرحبا ترحيب وافي وسفطان في ليلةً ضمن الليال السعيده في حفلة عمير ابن عمي بعيجان الـعـود الازرق لاتبـخـر يـزيـده ومفطحاً قبله يجـي بن خولان وتمرة خلاصً من طوارف بريده ابوه عمي محزماً دوم مليان راع المراجل والسجايا الحميده شيخاً على قطع المهمات ضميان بنك المراجل يزدحم من رصيده شاعر وله في ساحة الشعر ميدان من الكويت اليا مضارب رفيده ولاهوغريب الطيب من نسل شرعان مشرع زبون الضالعه والونيده في ضل مشرع تدحم حم الامتان يحمـى جنبها باالديار البعيده ونـا حفيد اخـوه جـدي عـوينـان اللي على الشدات دايم عضيده ربعاً لهم في قمة المجد عنوان بيـت المراجل با الفعايـل تشيده متوارثين المجد من راس رحمان الرجـل منهم يدهـر كا الوقيده لصاح صياح الضحا والوعد حان نرسي كما ترس الجبال الوطيده من البقوم الي لهم فاالعرب شان اهـل المواقـف والعهـود الجـويده والطيب مايقصر على فلان وفلان الطيب ورثه والقبـايل تجـيده واليوم في حكم الفخر حكم سلمان الحـاكم الي ماربح من يكيده