Կարճացնել գլխուղեղի ուռուցքի «կյանքը»՝ երկարացնելով մարդու կյանքը

Գլխուղեղի ուռուցքի ախտորոշման ու վիրահատության փուլերում բազմաթիվ հետազոտություններ անցած մեր զրուցակիցը հերթականին է պատրաստվում։ Բայց այդ հերթականը նաև բացառիկ է այն առումով, որ Հայաստանում, որպես այդպիսին, իրականացվում է առաջին անգամ։ Ռադիոիզոտոպների արտադրության կենտրոնի մասնագետները նոր պրեպարատի կիրառմամբ փորձում են պարզել՝ ուռուցքի վիրահատությունից հետո դեռ կա՞ն մնացորդներ ։ Այս տեխնոլոգիան թույլ է տալիս ավելի ճշգրտորեն տեղորոշել ուռուցքը, դրա չափը և մետաբոլիկ ակտիվությունը՝ մշակելու բուժման ավելի արդյունավետ ռազմավարություն։