സ്തുതി ഗീതം (സമർപ്പണം)

“തോന്നീലഹോ ഗുരുകടാക്ഷമതിന്നു മേലാ-യൊന്നും മഹാ ദുരിത വൻകടലേ കടപ്പാൻ വന്ദിച്ചിടട്ടേ ഗുരുവിൻ കഴലേവനും കൈ വന്നെത്തിടട്ടെ പുരുഷാർത്ഥ ചതുഷ്കമെല്ലാം” സമർപ്പണം: ബിസ്മില്ലാഹിർ റഹ്മാനിർ റഹീം… അനന്ത കാരുണ്യത്തിന്റെയും പരമ സത്യത്തിന്റെയും ഉടമയായ അല്ലാഹു എന്ന നാമത്തിൽ ഈ സമർപ്പണം ആരംഭിക്കുന്നു. എൻ പ്രിയ ഗുരുനാഥൻ: الرفيق الأعلى حضرة شيخنا الشيخ خليفة الرحمن الحاج محمد أشرف جشتي بسم على شاه فتح الكبير النبوية والحضرية فوز الكبير القادرية العالية الرفاعية الأنفاسية والأويسية (ق.س) തന്നിലെ തൻ പുരാനെ തൻ പുരത്തിൽ കണ്ടറിയുക എന്നതാണ് ചിദംബര രഹസ്യം. തത്വമസിയുടെ അകംപുരുൾ മൻ അറഫ നഫ്സ ഹു, ഫഖദ് അറഫ റബ്ബ ഹു എന്നതിൻ്റെ അനുഭവം എന്നിൽ നിറച്ചുതന്ന ഗുരുവിൻറെ തൃപ്പാദങ്ങളിലേക്ക് സമർപ്പിക്കുന്നു, ഈ സമർപ്പണം അവിടുന്ന് സ്വീകരിച്ചാലും. അങ്ങയുടെ കൃഫയും തിരുനോട്ടവും എനിക്കും എൻറെ കൂട്ടുകാരിലേക്കും, കുടുംബങ്ങളിലേക്കും, സുഹൃത്തുക്കളിലേക്കും, ബന്ധുക്കളിലേക്കും, മറ്റു സർവ്വലോകരിലേക്കും നിറച്ചു തന്നാലും. ഇസ്തിഖാമത്തിലായി അങ്ങയുടെ ജീവശക്തിയാകുന്ന അറിവ് ആകുന്ന വായുവിനെ തിരുനൂറിനാൽ ഞങ്ങളുടെ അകവും പുറവും സംസ്കരിച്ച് ശുദ്ധീകരിച്ച് പരിശുദ്ധരാക്കിയാലും. വിശുദ്ധരാക്കിയാലും. അതിനെ ഞങ്ങളിൽ നിലനിർത്തി തന്നാലും. സൂഫി സുൽത്താൻ മുഹിയുദ്ദീൻ ഷാഹ് ഇർഷാദീ പീർ സിന്ദാ നവാസി (Muhammad Salih Shah)