شلون وصلت النا ملحمة كلكامش ?

ملحمة كلكامش ملحمة كلكامش كلنا نعرف ملحمة كلكامش واحدة من اشهر القصص الملحميه التاريخية بس ما تسألنا منين اجت وشلون عرفناه  ممكن تكولون  اجت نتيجة عن  تنقيب الاثار  وفهم ودراسة المخطوطات او الاحافير التاريخيه وترجمة نصوصها ...هذا الشي صحيح بس هذا مو الجواب الكامل لان مجنت حنزل فديو اذا جانت المعلومه  لهل درجة سطحيه  في قلب العراق قبل اكثر من  الفين وخمسمية سنه  قبل الميلاد كان هناك ملك اسمه اشوربانيبال  كان ملك وحاكم امبروطورية  الاشوريه الي جانت عاصمته نينوى انذاك  واحدة من اقوى الامبروطوريات  في ذالك الزمن   اشوربانيبال  جان يختلف عن باقي الملوك لان الصورة النمطيه انذاك للملوك جانت عبارة عن شخص قوي عسكريا يحب السلطه السيطره احتلال الاراضي ولتوسع لان بنضرهم كل ما كبرت امبروطوريتك اكثر كل ما زاد حجم اسمك في سجلات التاريخ ودواوينه  على الرغم انو ملكنا يملك كل ما سبق لاكنه كان يختلف بمعرفته للقرائة ولكتابه المسماريه وهايه جانت مهارة حته اصحاب السلطة  ما جانو يملكونه لان بذاك الوكت مجنت تحتاج تعرف تكتب او تقراء او عندك شهادة دكتورا او ماجستير المهم تعرف تحتل وتدير المدن المملوكه بس اهم نقطه جانت تميزه هوه  حبة الكبير للمعرفة فا انرسم بخيالة مكتبه عملاقه تحتوي علي جميع الكتب ولنصوص التاريخيه المهمه مكتبه تصبح عاصمة المعرفة في ذالك الزمن تضم كل انواع المعرفة من كتب وخرائط والواح طينيه او حتى المنقوشه  على الحجر  بس لحضة .... احنه هنا نحجي عن ملك لأكبر امبراطوريه في ذالك الزمن  فا شي طبيعي بيوم وليلة خياله يصبح  واقع وفعلا بدا مشروعة الطموح ببناء اكبر مكتبه في عاصمتة نينوى  فأرسل اكبر الكتبه ولمفكرين ولعلماء  بنسخ جميع انواع النصوص من انحاء الامبروطوريه  مثل الادب الفلك الطب الرياضيات  الاساطير التاريخ الدين  وجانت هايه النصوص تكتب على الواح من الطين مو من الورق مثل  زمنا هذا وهايه نقطة مهمه تذكرها لبعدين  بس اشوربانيبال مجان مجرد رجل مثقف كاعد بين الكتب جان شخص عسكري واحتل العديد من الاراض ولمدن وحته حياته السخصية مانت نخلو من المشاكل جان عنده اخ اسمه شمش شوم اوكين( اي هذا اسمه ) كان يحكم بابل بينما كان اشوربانيبال يحكم نينوى العلاقة بينهم جانت مستقرة لفترة لاكن الامور تغيرت وانتهى الوضع بحرب بين الاخوين وهنا نبدي نلاحض التناقض بشخصية ملكنا الشخص الي جان يجمع النصوص الادبيه ولفلكية ولطبية جان بنفس الوكت يخوض الحروب ويحتل المدن ولقرى وهنا تبين ثنائية السيف ولقلم بس مهما جانت الامبروطورية الاشوريه قويه ما كدرت تهزم الزمن العدو الاول والاوحد لكل الامبروطوريات ولجبابرة بعد وفاة اشوربانيبال ضعفت الامروطورية الاشوريه او الاعداء كدرو يحتلون نينوى ويحركون مكتبة العاصمة المكتبه الي جانت حلم اشوربانيبال وطريقتة بتخليد التاريخ لأسمه وبعد الالاف السنين وبمرور الزمن بدأت حملات التنقيب ع الاثار ولكو اثار الامبروطوريه الاشوريه او من ضمنها ملحمة كلكامش وبعض النصوص التاريخيه الاخرى بس شلون عاشت كل هايه الفتره ? تتذكرون من كلت الكم جانو يكتبون وينسخون النصوص على الطين مو الورق ? بعد ما احترقت المكتبة الحرارة العالية سببت بتبخر الماء داخل الطين وتفاعل بعض المعادن الموجوده معه بعضها لتكوين مادة اكثر صلابة من الطين نفسه فا النار الي دمر المكتبه هوه نفسه الي حافظ بطريقة او بأخرى على اهم النصوص التاريخيه للمكتبه نفسها وهيج عرفنا شلون وصلت النا اهم النصوص التاريخيه الي عاشت الالف السنين لحد يومنا هذا