مين بيفلّس الشركات؟ القاتل مش منافسك

ليه المحلات بتقفل؟ أول سوبر ماركت في الرياض قفل 28 فرع مرة واحدة — وهو مش مفلس. وفي نفس الشهور: العثيم يعلن أول خسارة ربعية في تاريخه، وكارفور تختفي من أربع دول عربية. تلات صدمات ورا بعض مش صدفة — والقاتل مش موجود في قايمة منافسينك أصلًا: ست قوى ماكرو بتحرك السوق كله من فوق، اسمها مختصر في ست حروف. في نوفمبر 2008، وولوورث — واحد من أشهر الأسماء التجارية في بريطانيا — أشهرت إفلاسها بديون 385 مليون جنيه إسترليني، وفي خلال أيام اتقفل 807 محل ورجع 27 ألف موظف بيوتهم من غير شغل. وبعدها كوميت 2012، وتويز آر أس وميبلين وباوند وورلد وبي إتش إس في 2018. ولحد النهاردة العداد لسه شغال: تقريبًا 37 محل كل يوم، و84% منهم محلات عادية. الحلقة بتمشي ورا القضية زي تحقيق: تلات مشتبهين على طاولة التشريح — الأونلاين، والزبون نفسه، والإدارة الداخلية — وكل واحد معاه أرقامه. وبعدين بتقلب عليهم: التلاتة دول أعراض، والقاتل واقف ورا المسرح. في الحلقة: إزاي حصة البيع الأونلاين في بريطانيا طلعت من 4.9% سنة 2008 لذروة 37.8% في كورونا واستقرت حوالين 28% · وإزاي المبيعات الإلكترونية بكروت مدى وصلت 197 مليار ريال في 2024 بزيادة 26% في سنة · وإيه اللي قاله بدر السدحان في بودكاست «مسيان» عن إن «المطبخ استبدل بالمطاعم» · وليه سبب خسارة العثيم المنشور رسميًا على تداول كان تعثّر تطبيق نظام جديد لتخطيط الموارد ومخصصات مخزون — ومفيش اسم منافس واحد في الإعلان. وفي نفس اللحظة اللي فيها محلات بتقفل، فيه محلات بتتوسع: ألدي وليدل عدّوا موريسونز اللي شغالة من 125 سنة، وفي السعودية تطبيق اسمه كيتا دخل السوق بمليار ريال واستحوذ على 10% من السوق في 4 شهور — وأرباح جاهز انهارت 61% وراحت للمحكمة بشكوى لهيئة المنافسة. الفرق مش حظ: فيه لوحة تغييرات فوق السوق، واللي قراها بدري كسب. واللوحة دي اسمها ست حروف — P E S T L E: السياسة والاقتصاد والمجتمع والتكنولوجيا والقانون والبيئة. كل حرف قوة تقدر تبني سوق من الصفر وتمحي بيزنس من الخريطة: كارفور وخروجها من أربع دول · غلا المعيشة اللي كبّر ألدي وليدل · التليفون اللي استبدل الهايبر ماركت · وبنزين الرصاص، منتج عمره قرن، انقرض بقرار بيئي. والتفصيلة الفارقة في قصة السدحان إنه لحق نفسه: قتل الموديل القديم بإيده وفتح مكانه إكسبريس — مساحات ما تزيدش عن 200 متر على مقاس العميل الجديد. الإغلاق ما كانش هزيمة، كان القرار اللي أنقذ الشركة. وتاسكك الليلة: ورقة واحدة، الست حروف، وتحت كل حرف سطرين — إيه التهديد اللي ممكن ييجي من الحرف ده، وإيه الفرصة اللي ممكن تستفيد بيها. 12 سطر بس هما اللي بيفرقوا بين اللي بيتفاجئ وبين اللي بيكون مستعد. ▶️ الحلقة الأولى:    • ما هو التسويق الاستراتيجي؟ ولماذا يخسر الم...   ▶️ الحلقة التانية:    • نوكيا ماتت ومين عليه الدور؟ وإزاي قواعد ال...   ▶️ الحلقة التالتة:    • 95% من الموظفين مش فاهمين استراتيجية شركتهم   ▶️ الحلقة الرابعة:    • عايز تكبر؟ أرخص استراتيجية في التاريخ: 3 ك...   ⏱️ الفصول 0:00 قفل 28 فرع.. مش إفلاس 0:36 القاتل ليه سوابق في بريطانيا 2:37 تلات مشتبهين.. مين فيهم القاتل؟ 5:05 كنت بضللك.. التلاتة دول أعراض 6:21 PESTLE: كارفور وألدي والتليفون 7:37 PESTLE: قرار واحد يمسح منتجك 8:57 قتل بيزنسه بإيده وأنقذ الشركة 9:56 تاسكك الليلة: 12 سطر بس 📚 المصادر • وولوورث 2008 — £385m · 807 محل · 27,000 وظيفة: https://apps.eurofound.europa.eu/rest... • موجة 2012–2018 — Comet · Toys R Us · Maplin · Poundworld: https://money.cnn.com/2018/02/28/news... • 2024: 13,479 محل ≈ 37/يوم · 84.1% مستقلين: https://www.retail-insight-network.co... • حصة الأونلاين 4.9% → 37.8% → ~28% (ONS): https://www.ons.gov.uk/businessindust... • ألدي وليدل مقابل موريسونز: https://stirlingretail.com/2026/08/17... • السدحان — 28 فرع والتحوّل لإكسبريس: https://al-marsd.com/article/259081 • بودكاست «مسيّان» — بدر السدحان:    • لماذا أغلق السدحان أسواقه؟ | بدر السدحان ف...   • العثيم — الإعلان والسبب الرسمي: https://www.saudiexchange.sa/wps/port... • كيتا — 10% من السوق في 4 شهور: https://redseer.com/articles/keeta-ha... • جاهز — نتائج 2025 وشكوى هيئة المنافسة: https://www.arabnews.com/node/2574628... • كارفور — الخروج من أربع دول: https://www.khaleejtimes.com/business... • مدى 197.4 مليار ريال 2024 — ساما: https://www.arabnews.com/node/2589350... • البقالة −4% والتوصيل 3.5% → 14.4%: https://www.argaam.com/en/article/art... • نهاية عصر بنزين الرصاص 2021: https://www.unep.org/news-and-stories... • أكياس البلاستيك 7.64 مليار (2014) → 126 مليون (gov.uk): https://www.gov.uk/government/publica... 💬 ارسم الست حروف على ورقة، وتحت كل حرف سطرين: تهديد وفرصة. واكتب في التعليقات أنهي حرف هو الأخطر على شغلك دلوقتي. 🔬 مختبر الاستراتيجية · كل خميس، موضوع واحد على طاولة التشريح. اشترك:    / @strategylabmba   #PESTLE #الشارع_التجاري #مختبر_الاستراتيجية #إفلاس_الشركات