2024-РАИСИ НОХИЯИ ФАЙЗОБОД БОБИШО ХОЛЗОДА

ДИДОРБИНИИ САРБОЗОНИ ҚИСМИ ҲАРБИИ 16772 30 декабри соли ҷорӣ дар пайравӣ аз сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ташаббуси Мақомоти иҷроияи маҳаллии ҳокимияти давлатии ноҳияи Файзобод дар остонаи таҷлили Соли нави милодӣ аёдату дидорбинии афсарону сарбозони қисми ҳарбии 16772 Вазорати мудофияи Ҷумҳурии Тоҷикистон сурат гирифт. Дар чорабинии солинавӣ раиси ноҳияи Файзобод Холзода Бобишо ва раиси шаҳри Ваҳдат Исмоилзода Мирзо иштирок карданд. Роҳбарият аз қисми низомӣ дидан намуда, бо сарбозону афсарон ва муҳофизони Ватан суҳбату дидорбинии самимона карданд. Раиси шаҳр ва ноҳия баромад карда, кулли ҷавононони шуҷоъ ва сарбозону афсаронро бо фарорасии Соли нави мелодӣ шодбош гуфта, барояшон тани сиҳат, ҷавонии боҷасорат ва дар адои хизмати Ватан садоқатмандиву бурдборӣ таманно намуданд. Зикр шуд, ки хизмат ба халқу Ватан ва ҳифзи осудагиву амнияти кишвар ифтихору виқор барои ҳар як ҷавонмард буда, имрӯз ин ҷавонписарони диловар чунин рисолати муқаддасро бар дӯш доранд. Ҳамзамон, зимни дидорбинӣ аз шароитҳои хизмати сарбозони қисми ҳарбӣ шинос гардиданд ва ба афсарону сарбозон туҳфаҳои солинавии Мақомоти иҷроияи маҳалли и ҳокимияти давлатии ноҳия супорида шуд. Инчунин, барои афсарону сарбозон бо ташаббуси раиси ноҳияи Файзобод дастурхони идонаи солинавӣ ва барномаи рангини фарҳангии аҳли ҳунар пешкаш гардид. Дафтари матбуоти раиси ноҳия