عرضة بني تميم - عبدالله بن عبدالرحمن بن مبارك ال عبدالرحمن ال ثاني

راعي السيف راعي السيف في العرضات يومي به انثنى للطرب.. في جمعة ..اخوانه ينسف البشت فوق المتن يزهي به جابه العرض.. يومه زيّن الحانه قصرنا مزبن الخايف من الريبه يركد الخوف لامن شاف بيبانه في ذرى السور كم شيخٍ نهلي به وكم صبيٍ خذا المرواس بحصانه رمحنا .. في الوغى ِ..قرمٍ يماريبه قبل ما هيّج ..البارود دخانه كم عقيد ٍ هدير الموج تدري به عقب ماهو تشوّف كسر فرسانه نصرعه بالهنادي من مضاريبه وفك عقب الدخن من كان فـ رهانه شبلنا ينطح اللي له تجاريبه ضيغمٍ ..هازنا في جمع قيمانه قايدٍ.. غرته مدحة ..معازيبه يحسب ان الحباري مثل عقبانه يحسب انّا مثل جملة مكاسيبه نضرب الراس ونذبه عن امتانه جاه فرخٍ هوى.. وادمت مخاليبه ضربته في النحر..مايخطي سنـانه حن هل الدار لاقبّت لواهيبه جاسم الحرب كوكبها وسلطانه ضدنا .. ماصفت يومٍ..مشاريبه نكسر.. الجمع لو كثّرت ..عدوانه