丁子朗《亞洲超星團》集訓時曾被罵「廢柴」 通宵練舞不服輸 望29歲前贏過古天樂成為最年輕視帝！曾試鏡《尚氣》去到Round 3？

常說負能量，會減低人的能量頻率，問題是，如何保持高能量頻率狀態？ 看26歲的丁子朗，入行超過7年，當主持、演員也恰如其分，忽然參加選秀節目《亞洲超星團》，轉形象走韓系偶像風，再挑戰唱跳範疇，仍可以保持磨拳擦掌的鬥心。 「儘管我唔叻，但我好專注咁朝住進步嘅方向努力，我相信啲人會從眼神、動態、氣場，感受到我係進步緊，呢個先係最吸引人嘅地方。」   由零開始出發，正常也會有過灰心喪氣之時，丁子朗則看透自己，「我個人好好勝，亦都有野心，一旦有目標，就一定唔會放棄，由細到大都係。 「做演員、主持，係俾人搓圓撳扁，會為角色去塑造性格，而冇咗自己嘅本色，我都入咗行7年幾，做咗咁耐演員、主持，棱角都被打磨到變圓形，參加《超星團》，反而可以將我本身渴望嗰啲棱角，變番出嚟。」 成功與否，很多時候是看本人想不想成功，但丁子朗對成功的渴求，就成了其前進的高頻率，才有對「負」說不的動力。