ICEએ 5 દિવસમાં 10,000 ઈલીગલ ઈમિગ્રન્ટ્સને પકડ્યાં

અમેરિકામાં રહેતા ઈલીગલ ઈમિગ્રન્ટ્સ માટે હવે ઘરની બહાર પણ નીકળવું મુશ્કેલ થઈ ગયું હોય તેવી સ્થિતિ છે, ન્યૂયોર્ક ટાઈમ્સના એક રિપોર્ટ અનુસાર જૂનના છેલ્લા વીકમાં પાંચ જ દિવસના ગાળામાં ICE દ્વારા દસ હજારથી પણ વધુ ઈલીગલ ઈમિગ્રન્ટ્સની ધરપકડ કરવામાં આવી છે. ગત શનિવારે જ એજન્સીએ 2400થી વધુ એલિયન્સને પકડ્યા હતા. ધરપકડો વધવાથી ડિટેન્શન સેન્ટરમાં રખાયેલા ઈમિગ્રન્ટ્સનો આંકડો પણ ગત મંગળવારે 4,000 જેટલો વધીને 63,000ને પાર થઈ ગયો હતો. અખબારે એવો પણ દાવો કર્યો છે કે ICEના ઓફિસર્સને વધુને વધુ લોકોને પકડવાનો આદેશ આપવામાં આવ્યો છે.