झालर शंख नागरा बाजे र पंडा की ढाणी में लिखमाराम बिराजे र singar hanuman Mali 3

नीला घोड़ा नौलखा, मोतियां जड़ी लगाम। चढ़ घोड़ गोगो निकल,आव तूनवा गांव।। भगत श्री लिखमाराम जी महाराज की जय गुरु गोरक्षनाथ जी महाराज की जय जय जाहर वीर गोगा जी महाराज की जय झालर शंख नगारा बाजे रे, पंडा की ढाणी में लिखमाराम जी विराजे रे, लिखमाराम जी विराजे ओ, सदा भगत जी विराजे ओ । भारत राजस्थान में, तूनवा एक गाँव, सूरज सामे बनियो देवरो, गोगा जी रो धाम, ज्यारे धोली धजा लहरावे रे, पंडा की ढाणी में लिखमाराम जी विराजे रे, झालर शंख.. नारेला री गिनती कोणी, सुमिरण छत्र अपार, दूर देशा रा जात्री बाबा, आवे नर नार, बाबो बेड़ा पार लगावे रे, पंडा की ढाणी में, लिखमाराम जी विराजे रे, झालर शंख.. सावन सुदी बारस रो मेलो भरीज, भीड़ लगे अति भारी, नर नारी थारा दर्शन करवा, आवे बारी बारी, बाबो अटकीय कारज सारे रे, पंडा की ढाणी में लिखमाराम जी विराजे रे, झालर शंख.. सेवू मां के कंवर लाडला, धरो हमेशा ध्यान, ईश्वरलाल शरणा रो साकर, दो भक्ति वरदान, थारे हाथ जोडोला लागे रे, पंडा की ढाणी में लिखमाराम जी विराजे रे, झालर शंख.. पिता हनुमानाराम माता सेवु देवी का लाड़ला लिखामराम सदा लगाया लिखमाराम जी गोगाजी को ध्यान समाधि नगर तुनवा में लिया रे पंडा की ढाणी में लिखमाराम जी विराजे रे, सुबह शाम थारी सेवा करता भगत ईश्वर राम जो भी ध्यावे साँचा मन से पूर्ण हो सब काम नाम थारो इन कलयुग में चाले रे पंडा की ढाणी में लिखमाराम जी विराजे रे, झालर शंख नगारा बाजे रे, पंडा की ढाणी में लिखमाराम जी विराजे रे, लिखमाराम जी विराजे ओ, सदा भगत जी विराजे ओ । भगत श्री लिखमाराम जी महाराज की जय गुरु गोरक्षनाथ जी महाराज की जय जय जाहर वीर गोगा जी महाराज की जय