Өнөөдөр Хууль зүй, дотоод хэргийн сайдаар туршлагатай улс төрч Ганзоригийн Тэмүүлэн томилогдлоо.

Шинэ сайдаас асуусан асуултаа та бүхэнд хүргэж байна. 📌 Ганзоригийн Тэмүүлэн гишүүн аливаад зарчимч байр сууринаас ханддаг учраас Хууль зүй дотоод хэргийн сайдаар томилогдож байгааг дэмжиж байна. 📌Хууль зүй дотоод хэргийн яаманд хариуцлагын тогтолцоонд гажуудал гарчээ. Салбарын сайд болон харьяа агентлагийн удирдлагын хооронд гарсан зөрчил маргааныг сошиалаар харуулж байна. Энэ бол асуудлаа дотроо шийдэж, хариуцлагаа тооцож чадахгүй, энэ байдлаа засаж дийлэхгүй байгаагийн илрэл. Тийм ч учраас Ерөнхий сайд аль алиныг нь албан үүргээс нь чөлөөлсөн. Хууль зүй дотоод хэргийн салбарын хариуцлагын тогтолцоог засаж залруулах тухайд ямар арга хэмжээ авч ажиллах вэ? 📌Эрүүгийн хуулийн 13.14 д Илт худал мэдээлэл тараах, гүжирдэх амаар хүний нэр төрд халдвал эрүүгийн хариуцлага хүлээлгэдэг байсан заалтыг хүчин болгосон. Хүний нэр төр гэдэг бол өөрийн төдийгүй удам судар, үр хүүхдийн амьдралаар бий болгосон хамгийн үнэ цэнтэй капитал билээ. Энийг хуулиар хамгаалдаг байсныг үгүй хийснээр энэ нийгэмд хүндлэл, итгэл, эв эе алга боллоо. Бусдын нэр төрд халдах явдал газар авлаа. Энэ тухайд Хууль зүй, дотоод хэргийн сайдын хувьд ямар бодлого авч хэрэгжүүлэх вэ?