كاتشب بيتي بمكونات بسيطة… والطعم أحلى من الجاهز

#كاتشب_بيتي #كاتشب_منزلي #وصفات_سهلة #وصفات_بيتيه #شيف_ابو_جولي 🍅 إذا بتحبوا الكاتشب، جربوا تعملوه بالبيت بهالطريقة! وصفة سهلة ومكوناتها بسيطة، والنتيجة كاتشب بيتي بقوام ناعم وطعمة بتجنّن 😍🔥 وأحلى شي إنك بتعرف شو حاطط فيه بالضبط. جربوها وخبروني رأيكم ❤️ 🍅 المكونات: 2 كيلو بندورة ½ كاسة مي كبيرة ½ كاسة سكر 1 ملعقة صغيرة توم بودرة 1 ملعقة صغيرة بصل بودرة 1 ملعقة صغيرة بابريكا ½ ملعقة صغيرة فلفل أبيض 1 ملعقة كبيرة نشا ½ كاسة مي كبيرة لإذابة النشا ¼ كاسة خل 1 ملعقة كبيرة ملح 👨‍🍳 طريقة التحضير: نقطع البندورة ونفرمها بمحضر الطعام لحتى يصير قوامها مثل الشوربة، وبعدها نصفيها منيح من القشور والبذور. نحط البندورة بقدر على النار ونضيف عليها ½ كاسة مي، ونتركها تغلي. بعدها نضيف السكر، توم البودرة، بصل البودرة، البابريكا والفلفل الأبيض، ونتركهم على النار ليتغلوا ويتعقدوا مع بعض حوالي 40 دقيقة. نذوب ملعقة النشا بـ½ كاسة مي، ونضيفها للخليط مع التحريك. بعدها نضيف ربع كاسة الخل وملعقة الملح، ونترك الكاتشب يغلي 4–5 دقايق لنتأكد إن طعمة النشا راحت. نتركه يبرد، وبعدها نحفظه بمرطبان نظيف ومعقم أو بقنينة مخصصة للكاتشب. وصحتين وألف عافية ❤️🍅 شيف أبو جولي