ماريسكا يَرضخ لبوعدي | حكيمي خدا القميض من عند بوعدي ههه | بونو يتألق | مزراوي يتلو القرآن

أيوب بوعدي كيزيد يفرض راسو، وهاد المرة من خلال المستوى اللي قدم قدام امام الPSG، واللي خلا الجماهير تطالب بإعطائه دقائق أكثر والاعتماد عليه بشكل أساسي. و اليوم المدرب ماريسكا بدا كيتجاوب مع هاد المطالب، ووعد يمنح اللاعب المغربي فرص أكثر باش يبين الإمكانيات ديالو. ومن بين اللقطات اللي شدت الانتباه، أشرف حكيمي ملي شاف بوعدي غادي يدخل للملعب، خلا البلاصة ديالو ومشى عندو باش يسلم عليه. حكيمي هو القائد اللي كيشجع المواهب وكيهتم بيها. وبعد الاصرار ديالو, حكيمي اخيرا حصل على القميص ديال ايوب.. فهاد المقابلة كيقول كل شي. ومن بوعدي للزلزولي، هانسي فليك مدرب برشلونة عبر حتى هو على الإعجاب ديالو بالمستوى اللي كيقدم عبد الصمد مع ريال بيتيس. فليك وصفو باللاعب الرائع، وقال إنه معجب بالطريقة اللي كيلعب بها وفألمانيا، بايرن ميونيخ نشر لقطة لإسماعيل الصيباري على إنستغرام، معبراً على الإعجاب بالتقنية والمهارات اللي كيبينها اللاعب المغربي، ومن جهتو، نائل العيناوي قدم تمريرة حاسمة أمام فرانكفورت، فلقطة زادت كتأكد المساهمة ديالو مع الفريق. وفالدوري الأمريكي، طه حابروان خطف الأنظار بعدما قطع الكرة من الخصم، وانطلق نحو المرمى وسجل ببرودة أعصاب، باش يزيد يوسع الفارق لفريق كولومبوس. أما أنس الزروري، فقدر حتى هو يسجل هدف أمام شارلوت، بعدما سدد الكرة مباشرة وبلا تردد، وحطها فالشباك. وفالدوري الأوروبي، آيت بودلال سجل هدف مهم مع رين، فلقطة كتأكد أن المدافع المغربي قادر يعطي الإضافة حتى فالجانب الهجومي، خصوصاً فالمباريات اللي كتكون فيها الأهداف حاسمة. وفالسعودية، مراد باتنا كان النجم ديال المباراة مع الفتح أمام الحزم. اللاعب المغربي صنع الهدف الأول والثاني، ومن بعد زاد سجل الهدف الثالث فالدقائق الأخيرة، ليساهم ففوز فريقو بثلاثة أهداف لجوج، فمباراة كانت فيها الإثارة حتى للنهاية. ومن السعودية حتى لبرشلونة، قصة ياسر زابيري مع كامب نو عندها واحد الطابع الخاص. فـ2016، زار الملعب وهو ما زال صغير، وكان مع باه، وبعد عشر سنين رجع لنفس الملعب وسجل فيه. لحظة كتجمع بين ذكريات الطفولة وتحقيق الأحلام، وكتعطي للقصة ديالو معنى خاص. وفالدوري السعودي، وقع واحد المشهد الغريب بعدما مدافع لمس الكرة بطريقة تسببت فركلة جزاء ضد الفريق ديالو. ولكن ياسين بونو كان حاضر، وتصدى لضربة الجزاء وأنقذ فريقو من موقف صعيب. ونختمو مع نصير مزراوي، اللي بان فمناسبة عائلية, شارك تلاوة من سورة الحشر بصوتو.. تبارك الله وصاف.