حذاء رياضي بـ20 دولارًا في الصين | يكشف كذبة الحذاء الأمريكي اللي سعره 250 دولارًا

لما تدخل محل نايكي، أول حاجة هتلاحظها هي الإضاءة والنظام والكلام . كل حاجة نضيفة بزيادة، ومتظبطة علي سنجة 10، بحيث تخلي أي منتج جوا المحل يبان أغلى من سعره الحقيقي. الحيطان مليانة صور لرياضيين وهم بيجروا، وبينطوا في الهوا، وبيحتفلوا بالانتصارات. والأحذية محطوطة على رفوف مضاءة كأنها قطع أثرية في متحف. كل جزمة مميلة بزاوية معينة، والضوء واقع عليها بشكل يخليك تحس إنك مش بتشتري مجرد جزمة... إنت داخل تعمل حركة. تمسك مثلًا جزمة Air Jordan. تحس إنها خفيفة، والخياطة متقنة، والنعل مرن ومريح. تقلب الجزمة وتبص على السعر... 4,500 جنيه. تتضايق شوية، لكن عقلك يقولك: "دي Jordan يا عم... طبيعي تكون غالية. دي جزمة بجودة عالية جدا. ده مايكل جوردان لبسها. والتكنولوجيا متطورة. والتصميم أيقوني. يعني 4,500 جنيه مقابل قطعة من الهندسة الرياضية. لكن خليني أقولك إنت ماسك إيه فعلًا في إيدك. مواد الجزمة نفسها، زي النعل المطاط، والجزء العلوي الصناعي، والفوم، والرباط، والغراء، تكلفت كل ده في حدود 160 جنيه تقريبًا. أما تكلفة العمالة اللي بتقص القطع، وتخيطها، وتركب النعل، وتحط الرباط، وتحط الجزمة في العلبة، فهي حوالي 50 جنيه. وبالتالي، إجمالي تكلفة إنتاج الجزمة من المواد الخام لحد المنتج النهائي داخل العلبة ممكن يكون في حدود 270 لـ450 جنيه. يعني إنت ممكن تدفع 4,500 جنيه في منتج تكلفة تصنيعه حوالي 360 جنيه. لكن هامش الربح مش هو الجزء الأهم في القصة. الأهم هو: الجزمة دي اتعملت فين؟ ومين اللي صنعها؟ وإيه اللي حصل للعمال اللي اتعلموا مهارات التصنيع دي من نايكي نفسها؟ لأن المصانع اللي ساعدت نايكي تبني إمبراطوريتها، بدأت بعد كده تبني حاجة تانية. حاجة نايكي نفسها مش هتقدر تتحكم فيها بسهولة... ولا هتقدر توقفها... ولا كمان هتقدر تنافسها في السعر. والقصة كلها بدأت من مدينة في جنوب الصين اغلب الناس عمرهم ما سمعوا عنها. مدينة ساعدت نايكي في إنها تتولد... لكن بعد سنين، نايكي نفسها كانت هتتمنى إنها ما كانتش موجودة. -------------------------------------------------------------------------------------------------------------- For copyright matters, please contact: amr167811@gmail.com -------------------------------------------------------------------------------------------------------------- حذاء رياضي بـ20 دولارًا في الصين | يكشف كذبة الحذاء الأمريكي اللي سعره 250 دولارًا حذاء صيني بـ20 دولارًا ضد حذاء بـ250 دولارًا... ما الفرق؟! لماذا تدفع 250 دولارًا في حذاء يمكن أن يكلف 20 دولارًا؟! حذاء بـ20 دولارًا يكشف سر أسعار الأحذية الأمريكية! 20 دولارًا أم 250 دولارًا؟ الحقيقة وراء أسعار الـSneakers! الصين تصنع أحذية بـ20 دولارًا... فلماذا ندفع 250؟ هل تستحق الـSneakers فعلًا 250 دولارًا؟! من 20 إلى 250 دولارًا... أين تذهب أموال الـSneakers؟ الحذاء بـ20 دولارًا... فما الذي يجعل الآخر بـ250؟