Қызылордада кеңес дәуірінен бері түйткілге айналған ыстық су мәселесі шешілетін болды

Қызылорда қаласында кеңес дәуірінен бері түйткілге айналған ыстық су мәселесі шешілетін болды. Облыс әкімі Нұрлыбек Нәлібаев алдағы 3 жыл ішінде шаһардағы тұрғын үйлер толықтай ыстық сумен қамтылады деп отыр. Сондай-ақ өңірде шетелдік инвестор салып жатқан жаңа жылу электр орталығы да 2025 жылы ел игілігіне берілмек. Елімізде ыстық сумен қамтылмаған қалалардың бірі Қызылорда. Тұрғындар суды жылыту үшін бірнеше жылдан бері электр тоғымен жұмыс істейтін қосымша құрылғылар пайдаланып келеді. Астанада есеп берген облыс әкімі Нұрлыбек Нәлібаев енді бұл мәселені толықтай шешеміз дейді. Яғни, шаһарда орталықтандырылған ыстық су жүйесі іске қосылмақ. НҰРЛЫБЕК НӘЛІБАЕВ, Қызылорда облысының әкімі: – Мемлекет басшысы бұл жөнінде үкіметке, бізге тапсырма берді. Қызылорда қаласын алдағы 2-3 жыл көлемінде толық ыстық сумен қамту жөнінде. Бұл бағытта біз қазір жұмыстар жасап жатырмыз. Демеушілікпен бұған жоба жасалды. Қазір мемлекеттік сараптамаға өткізілді. Жақын күндері сараптаманың қорытындысын алсақ, әрі қарай министрлікпен жұмыс жасайтын боламыз. Сондай-ақ, өңірде бірнеше ірі жоба инвесторлардың көмегімен жүзеге асырылып жатыр. Мәселен кәсіпкерлер әуежай терминалы, демалыс орындары, спорт алаңдары мен әлеуметтік нысандарды салуға 37 миллиард теңгеден аса қаражат бөлген. НҰРЛЫБЕК НӘЛІБАЕВ, Қызылорда облысы әкімі: – Егемендік жылдарындағы инвесторлардың қаржысына салынатын ең ауқымды теңдесіз жоба жылу-электр орталығының құрылысы біздің аймақта бой көтеруде. Құны 215 миллиард теңге болатын жоба 2025 жылы іске қосылады. Бұл электр энергиясын сырттан сатып алудан арылып, өндірілген энергияның бір бөлігін аймақтан тыс жерде сатуға мүмкіндік береді. Елді 90 пайыз күрішпен қамтып отырған Қызылордада биыл егін бітік шықты дейді аймақ басшысы. Айтуынша су тапшылығына қарамастан қамбаға 500 тоннадан аса күріш жиналған. Ал суды үнемдеу үшін егінге тамшылату және жаңбырлату әдістері қолдандылып жатқанын айтады. Алдағы уақытта да мұндай технологиялардың ауқымын кеңейту көзделген. Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал