الخاطر العمسان | خالد ال بريك & كلمات تركي بن طلق | 2026

للتواصل والاستفسارات : الحسابات الرسمية شيلات خالد ال بريك) لطلب الشيلات والتصمي من داخل المملكة : 0535711430 من خارج المملكة : 00966535711430 ــ تزحزحت شمس الخميس وهايفت يم المغيب استسلمت ل الليل عقب اشعاعها و اشراقها في سد ضلعان اشعبا عهدي بها مثل اللهيب فالديره الي خاطري دايم وهو توّاقها والليل لا عسعس ضلامه يفتق القلب الصويب الي من الحرمان يشكي قو حر افراقها دايم ليا دكّت خراميسه تناولت الجذيب واسامر السبّع مع انجومً بحدّ آفاقها امسيت مثل الي مع الغدرا يدور له ذهيب وانا مابين طيوفها واعيش حر اشواقها اجاوب الونه من الفرقا وفي صدري نحيب وادمدم اجروحي من الوجدان لو ما اطّاقها مليت من كثر الصبر وازريت الاقي لي طبيب للشوق جمره ما عرفها غير منهو ذاقها ليته قبل مايزرع الغامه على القلب ويغيب ماولّع الروح البريّه في هواه وباقها صديت لو الخاطر العمسان عيا لا يطيب تجتاحه الذكرى وصورتها ودمع احداقها مابين طيات الحياه وبين طيات النصيب قنعت والدنيا ماهو دايم نعيش اغداقها يالله عسا هاك الخيال الي من المنشا يجيب غراً يادوب انها تحرك والهواء يستاقها فسناب ابو راما نتابعها وبأمر الله تصيب متركّمة رحمه وتحمل خير وسط اطباقها سوادها محجم ومنظرها من الرهبة رهيب قامت تطلق بالثعول اوساطها واشناقها اليا كفت مخزونها شيءً من المولى عجيب وليا دوا رعادها وليا كشخ براقها تمطر على جرد الفيافي لين يكتظ الشعيب تاخذ ثمان ليال ما جّهت على مشعاقها لا فتّق الباذر من الرقّه عقب قو الصبيب لين الديار المسنيه يغشا الخضار ارقاقها ذكر الحيا والطيبين يبين في قلب اللبيب والي طرا لي يعدل الميلات من صلفاقها فهد محمد بن جريس القرم ياعز الصحيب منصا القصيد وبـ اسمه الجزله تبّل ارياقها بشته يذري في نهار الضيم واليوم المهيب يوم الردي بشته لا جاء الميقاف في معلاقها عزمه دناميتً على الضلعان والعظم الصليب كم صعبةً لا قام نوخها بفعل وعاقها من طيب راسه مايقر بمستحيل ولا صعيب ياطيب فعل الي فعوله بينن ميثاقها مدة يمينه تطلق المسجون وتفك الطليب حتى الرقاب بجود مداته سبب فـ اعتاقها وان كان جت للابل نعرف اسمه ماهو فيها غريب من دون صفرً قد تعب في نسقها واعماقها في وسطها جريس المسمى كنه اضلاع البويب متسندً منه آهل الناقه تحير اذواقها والراس اخذ عن غاربه شده ولسباله لعيب غيره زمول امسبله باشكالها وارناقها تلقا طروش البدو حوله كنها ورد القليب والي تجيب انياقها والي ترد انياقها وابو محمد والله انه ما يجينا فيه ريب ذخاير ال جريس والامجاد حسب اسياقها جدانه الي مع معزي في ضحا اليوم العصيب متكاتفين بحزةً قامت تتك اخناقها يم الرياض بليلةً ضلما من اضلاع الشقيب يالين ساد الامن والدولة نبض خفاقها سلايل ال بريك وال بريك اهل ساسً عريب حمولةً بالمرجله قد عزها خلاقها صولاتهم قد خلت الي فالمهد راسه يشيب هل حربتنً بنحور الاعدا بينً مفتاقها دواسرً دايم على الطاله تزيد الطيب طيب ماتصعب الطاله على اهلها وهم عشاقها