امطري ياغيمة العز امطري ـ فهد العيباني و خالد الشليه , شيلة عرسان | 2027

 ​امطري ياغيمة العز امطري ـ فهد العيباني و خالد الشليه , شيلة عرسان | 2027 ........................... للطلب والاستفسار من داخل المملكه 0533321087 من خارج الممكه 966533321087+ _____________________ هلّت .. علينا غيمة الأفراح تروي بهلاها قاصي وداني والعود في حفل الطنايا فاح من طيب طيّب طيّب العاني والعذر ما سقته .. لو انّه لاح لأنّك عضيد و سادس اخواني وان كان ما نومستكم يا صاح لا خير في قافي ولا لساني —— على خطوط الطايره الشمريّه عندي مهمّه مالها اليوم تأجيل رحلة رقم واحد نهار ضحويّه صارت على الشعّار طيراً أبابيل تبطش وتكعم من يدوّر عطيّه وترمي شواعير الردايا بسجّيل الي مراجلهم تجي .. موسميّه وغاية مراجلهم مدايح وتطبيل يا جعلهم فدوة .. حميد السجيّه حسين ابن ضيدان من غير تأويل ابو الجناب الدمث ، والقابليّه وابو الهلا بالصبح والعصر والليل يا مرحبا باسمه على الشاذليّه وريح البخور تسابقه ريحة الهيل من الكويت .. لصوب نجد العذيّه غيمة تراحيب الحفل كنّها السيل والسيل نوّه .. ( شرطة الداخليّه ) تحرص على الجهرا من ازمه وتعطيل في محفل وجيه الرجال السخيّه لطّامة العدوان ذبّاحة الحيل عبدالله عبدالله عبدالله عبدالله .. سيف العز بالمهميّه سلايل زحول الطنايا المشاكيل من يزهمه في وقفةٍ مفصليّه كفّه يرجح ثقلها لـ التساهيل ذاخره ذخر الجيش للمدفعيّه يوم الرصاص يثور مثل الهماليل مسجلٍ رقمه " سنايد خويّه " وموثقَ فعله على قمّة سهيل ( العز ساسه .. والمفاخر سميّه ) والمجد فعله والمكارم محاصيل ومحسن عضيده ومحسن عضيده ومحسن عضيده واقف بكل هيّه ما يحسب حساب الليال المقابيل له بدروب المجد .. روحه و جيّه وله بنواصيها بيوت و مداهيل و اسم المشوطب بالسما شع ضيّه عمامه النوماس روس الحلاحيل شمّر .. وشمّر في نهار المنيّه جنازةٍ يوم اللقى تسبق الخيل روس الطنايا سيوفهم صيرميّه مورّدين المعتدي لـ التناكيل وللضيف نيران السناعيس حيّه من الكرم يلقى حفاوة و تبجيل ومن الحدب له .. عزوةٍ وايليّه خواله ان مال الدهر تعدل الميل ( امطري يا غيمة العز امطري ) وابشري بالي يشوّش وابشري ان يشوّش بالحفل كل شمّري شوّشوا يا روس شمّر واللعبوا في حفل عبدالله ومحسن هلا عد ما طافوا على الكعبه الملا وعد من رتّل كتاب الله و تلا شوّشوا يا روس شمّر واللعبوا شمررررر اسلم الموت الحمر في سيفهم عبده بخضم الوغى تاريخهم روس سنجاره يجمّل صيتهم شوّشوا يا روس شمّر واللعبوا يبصر بـ فعل السناعيس ، الكفيف ويسمع الأصقه صدا صوت الرهيف " و الدلايل كلّها بـ يوم الصريف " شوّشوا يا روس شمّر واللعبوا من تحزّم " بالطنايا " ما يطيح ومن تضايق شافهم كونٍ فسيح ومن مدحهم ما يعد الّا الصحيح شوّشوا يا روس شمّر واللعبوا ميّه وتسعين عام ميّه وتسعين عام ميّه وتسعين عامٍ حاكمين نجد والي بالجزيره خابرين وانشد التاريخ يعطيك اليقين شوّشوا يا روس شمّر واللعبوا شمّر الطالات .. مروين الضما لا احتمى الميقاف والفعل احتما سيفهم سمّوه ( عطشان الدما ) شوّشوا يا روس شمّر واللعبوا صفّكم شوّاش من يوم الجيوش لا التقى الجمعين بوشٍ قدم بوش بالفرح والحرب لك لابة تشوش شوّشوا يا روس شمّر واللعبوا