{عيانين بالإبداع}(25) ساعات ساعات!

خلونا النهاردة نتكلم عن حاجة مهمة جدا برضه بالنسبة للهداهد.. عن الزمن.. هو ليه أساسا فيه حاجة اسمها زمن؟.. ليه ربنا خلقه؟.. أيوة ماهو الزمن ده حيز مخلوق.. بيقيدنا احنا بس كمخلوقات.. لكن الأصل ان مافيش زمن أصلا.. طب ليه برضه؟.. أينشتاين عنده إجابة على السؤال ده.. قالك السبب الوحيد لوجود الزمن.. هو عشان الأحداث تحصل بتتابع.. ورا بعض.. لو مافيش زمن.. كل حاجة في الدنيا هاتحصل في لحظة واحدة .. في نفس الوقت.. تخيل تاريخ البشر ده .. ملايين السنين دي.. تحصل كلها في لحظة.. و ربنا زي ما خلق الزمن.. ركب جوة كل المخلوقات آلات زمن.. بيختلف مدى تعقيدها بمدى تعقيد المخلوق نفسسه.. يعني عندنا كبشر مثلا.. و دي من الحاجات اللي بتميزنا عن باقي المخلوقات.. ان آلة الزمن اللي ربنا خلقها جوانا.. بتخلينا نقدر نسافر عبر الزمن.. نقدر نركبها و نسافر للماضي.. بذكرياتنا.. و نقدر نركبها و نسافر للمستقبل.. في أحلامنا.. بس آلة الزمن جوة كل إنسان برضه مختلفة عن التاني.. كل إنسان بيحس بالزمن أو بيدرك الزمن بشكل مختلف عن غيره.. بس عموما.. عقولنا كبشر مابتفهمش الزمن بالأرقام.. و لكن بتحسبه بالمسافات.. يعني بنشوف الحاجات اللي في المستقبل أو الماضي.. بعيدة و حجمها صغير.. في ين الحاجات اللي في الحاضر أو حواليه.. بنشوها أقرب و حجمها أكبر بكتير.. .. .. و دي المصيدة اللي بيقع فيها أغلب الناس لغاية ما يتعلموا يتعاملوا ازاي مع الزمن.. لأنهم بيشوفوا الحاجات القريبة أكبر.. فبيتهيألهم انها أهم من الحاجات البعيدة في المستقبل لأنها باينالهم صغيرة.. فمابيعملوش حساب المستقبل ولا بيخططوا له.. .. و لكن لما الواحد بيكبر و بينضج.. بيبدأ يفهم ده.. فبيبقى عنده قدرة أكبر على التخطيط للمستقبل.. مصيدة تانية الناس بتقع فيها.. و هي انهم بيتوهموا ان الوقت ده مابيخلصش.. أو ان لسة فاضل كتير.. و ده اللي بيتسبب في "العلوقية".. أو "التسويف".. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض http://www.قooقle.com