Samarqand viloyat ko‘p tarmoqli bolalar tibbiyot markazida tibbiy ko‘rik tashkil etildi.

Samarqand viloyat ko‘p tarmoqli bolalar tibbiyot markazida “Sog‘lom avlod uchun” xalqaro xayriya fondi va Germaniyaning xalqaro “Friedensdorf International” xayriya tashkiloti hamkorligida tibbiy ko‘rik tashkil etildi. Unda Qoraqalpog‘iston Respublikasi, Samarqand, Jizzax, Navoiy viloyatlarida yashovchi, kuyishdan keyingi asoratlari mavjud, shuningdek, tayanch harakatida jiddiy nuqsonlar bo‘lgan bolalar germaniyalik va mahalliy shifokorlar ko‘rigidan o‘tdi.