НЕМІСТЕР 54 МЛРД ДОЛЛАРҒА ҚАЗАҚ ЖЕРІНДЕ НЕ САЛМАҚ | САРАПТАМА

Неміс халқында тамаша бір мақал бар: GEMEINSAM SIND WIR STARK! Күш біріктірсек тау қопарамыз деген мағынаға саяды. Оны КҮШ БІРЛІКТЕ – деп қазақша қалыпқа келтіріп алсақ та болады. Бұл нақыл неміс халқы үшін бос сөз емес. 18-ғасырда өзара дүдараз, бытыраңқы 350 кінәздіктен құралған халықтың берекесі болмады. 19-ғасырда 39 мемлекетке бірігіп көрген. Бәрібір әлсіз. Тек Отто Фон Бисмарк билік құрған заманда шашыраңқы кінәздіктер бас құрап бір мемлекетке бірікті. Оны Кайзерлік Германия ретінде тарихтан білеміз. Иә одан кейінгі неміс мемлекеттілігінің шежіресі шытырман оқиғалармен өрбігені мәлім. 1990 жылы Шығыс және Батыс германия бірігіп қайтадан қуатты мемлекетке айналды. Бүгінгі біз білетін, Мерседес Бенц, БМВ, Ауди, Фольксваген сияқты көліктері, Адидас сынды спорттық киімдері мен Сименс сынды электроника алпауыттарын құрған Германия даму деңгейі жөнінен Еуропадағы ең қуатты елдердің бірі. Әлемдегі орны бір төбе. Жалпы қарт құрлықтағы мемлекеттің жайын несіне сөз етесіңдер дейтіндер табылар, бірақ соңғы бірнеше жылда дәл осы Германия біздің Қазақстанмен біте қайнасуға бек мүдделі. Әлбетте бәріміз түсінеміз, оларға ең әуелі мұнай газ керек, бірақ ақшаңды төле де, керегіңді ала бер дейтін саясаттан кете бастады біздікілер. Немістер несін береді бізге? Бүгін осы турасында біраз білгенімізбен бөлісіп көрсек. Себебі президент Тоқаев Германияға барып, біраз шаруаның басын қайырып келді. Қандай келісімдер жасалды және оның Берлиндегі сөзі неліктен ақпарат айдынында шуға айналды? – деген мәселенің де басын қайырайық. Әдеттегідей патша көңілдеріңіздің қалауымен арнамызға тіркеліп, біз шығарып жүрген саяси сараптамаларды лайкқа лайықты деп тапсаңыздар, ол ілтипаттарыңызды лүпілмен, пікірмен білдіріп қойсаңыздар демекпіз. Шайларыңызды дендеп ден қойсаңыздар бастайық. #білгендұрыс #қазақстан #жаңалықтар