Podcast UniVlora nr. 50 | Biblioteka, kujtesa e universitetit

Biblioteka, kujtesa e universitetit I ftuar: Z. Albert Habazaj mes librit, dijes dhe historisë Në kuadër të Muajit të Letërsisë, Podcast UniVlora 50 sjell një bisedë të veçantë me z. Albert Habazaj, poet, shkrimtar, studiues dhe bibliograf, ish-drejtues i Bibliotekës Shkencore “Nermin Vlora Falaschi” të Universitetit “Ismail Qemali” Vlorë, në një intervistë të realizuar nga Marieta Mërkuri, përgjegjëse e Laboratorit Mediatik. Përmes kujtimeve dhe reflektimeve të tij, kjo bisedë na fton të rikthehemi në historinë e bibliotekës, te njerëzit që i shërbyen dijes dhe te roli i librit në formimin intelektual të brezave të studentëve. Një udhëtim mes kujtesës universitare, letërsisë dhe vlerës së fjalës së shkruar, ku përvoja personale bëhet pjesë e historisë së përbashkët të universitetit. Sepse biblioteka nuk është vetëm një hapësirë ku ruhen libra, por kujtesa e gjallë e një universiteti, dëshmi e dijes së krijuar dhe urë që lidh brezat.