စၟတ်သမ္တီ အာယုက်သုခုမ ပေင် (၅၀) သၞာံကဵု ဂလာန်ပံက်သြိုဟ် ဟံသာမာန် ကော် မာံဇြဝ်ဠာတ်

စၟတ်သမ္တီ အာယုက်သုခုမ ပေင် (၅၀) သၞာံကဵု ဂလာန်ပံက်သြိုဟ် ဟံသာမာန် ကော် မာံဇြဝ်ဠာတ် တၠရမျှာင်လေဝ် ဒှ်၊ ကောန်သၟိင်ဗဳဒဳယိုဝ်လေဝ် ဒှ် ပ္ဍဲကဵုညးမဒယှ်တှ်ကၠုင်လဝ် အကြာဗွိုင်သုခုမမန် အခိင်မလအ်လတအ်ဂှ် ဟံသာမာန် ကော် ဇြဝ်ဠာတ်လေဝ် ပါလုပ်မွဲတၠကီုရ။ ညးဝွံ နူကဵုအဝဲ နွံအာယုက် ၁၄ သၞာံတေံ ပါလုပ်စဒယှ်ေကၠုင်ဒွက် ပ္ဍဲဂကောံလျးဟံသာရ။ ကဝးညးမွဲဓဝ်ကၠာအိုတ်ဂှ် ဒှ်ကဝး “ဒၞါဲဍာ်ရမတ်ပြဟ် ချူဗဒှ်လဝ်ဝင်” ပ္တိတ်လဝ် အကြာသၞာံ ၁၉၉၀ ဂှ်ရောင်။ လၟုဟ်ဂွံအာယုက် ၆၆ သၞာံကၠာရလေဝ် ဆက်ဒယှ်ေမံင်ဒွက်၊ ဆက်ချူမံင်ဒွက်၊ ဆက်ကၠောန်မံင်အခိုက်ဒွက်တအ်ဏီဖိုဟ်ရ။ ရန်ကဵုဂွံဒှ်ပရေင်စၟတ်သမ္တီ တရဴဂဳတသုခုမညး ပေင်ပွိုင် (၅၀) သၞာံတုဲ ခြာဟွံလအ် သွက်ဂွံကၠောန်အာ ပေါဲပ္တိုန်စရာဲ လ္တူဍုင်မတ်မလီုနွံရ။ စပ်ကဵုပေါဲပ္တိုန်စရာဲဏအ်တုဲ သာ်လဵုညးပံက်လဝ်သြိုဟ်ကဵု အစဳအဇန် သုခုမမန်ဂှ် လုပ်ဗဵုက္လင်ကေတ်မာန်ရအဴ။