ရွာလမ်း (အစ-အဆုံး)

ရွာလမ်း (အစ-အဆုံး) ===== ကျေးဇူးတင်ခြင်း ......................... တကယ်တော့ ဒီဇာတ်လမ်းဟာ မထင်မှတ်ပဲ ရေးဖြစ်သွားတာပါ။ ကျွန်တော်ဟာ စာရေးခြင်းကို ဝါသနာကြီးသလို စာရေးခြင်းနဲ့ အသက်မွေးပါတယ်။ ဒါပေမယ့်.ကျွန်တော့်ယုံကြည်ချက်အရရော..အခြားသော..အခြေအနေအရပ်ရပ်ကြောင့် ကျွန်တော့်ရဲ့ စာအုပ်အသစ်တွေဟာ ပရိသတ်တွေဆီ ထုတ်ဝေဖို့ ခက်ခဲခဲ့ရတယ်။ ပြီးတော့..စာရေးတာကလွဲပြီး ဘာမှမလုပ်တတ်တဲ့ သူတစ်ယောက်အတွက်.တိုင်းတပါးရပ်ခြားမှာလည်း ဖြစ်တဲ့အတွက် စိတ်ဓာတ်ပိုင်းဆိုင်ရာအရ ခက်ခဲလာပါတယ်။ တခြား ဘဝတွေ၊အသက်တွေပေးနေရသူတွေထက်စာရင် ဒီအခက်အခဲက ဘာမှ မဟုတ်ပါဘူး။ ဒီလိုနဲ့ ကိုယ့်ဟာကိုယ် တပွေတည်း စိတ်ဓာတ်ကျနေချိန် ဘာမှ မရေးတော့ပဲ..ကျွန်တော်လက်ရှိနေတဲ့ ထိုင်းနိုင်ငံ၊ ချင်းမိုင်မြို့ပြင် ရွာလေးရဲ့ လမ်းမှာ ညနေခင်းတိုင်း လမ်းလျှောက်ရင်း စိတ်ကို ဖြေသိမ့်ဖို့ကြိုးစားရတယ်။ အဲ့ဒီလမ်းမှာပဲ ဒီဇာတ်လမ်းကို ရေးဖို့စတင်မိတယ်။ တကယ်တော့...စာအုပ်မထုတ်ရလည်းပဲ..စာဖတ်သူရှိတယ်။ ရေးစရာပလက်ဖောင်းရှိတယ်။ စာဖတ်သူနဲ့ စာရေးသူကြားက ချစ်ခြင်းမေတ္တာအရ...ငါက စာတွေဆက်ရေးနေရမှာပေါ့ဆိုပြီး....ရွာလမ်းကို ဖန်တီးပါတယ်။ ရွာလမ်းဟာ ကျွန်တော်ရေးနေကျလိုင်းမဟုတ်ပါဘူး။ ကျွန်တော်ကျွမ်းကျင်ရာလည်းမဟုတ်ပါဘူး။ ညစ်ညစ်နဲ့ စိတ်ထွက်ပေါက်အဖြစ် စိတ်ကူးပေါက်ရာတွေရေးရင်း ဝတ္ထုတပုဒ်အဖြစ် ရုပ်လုံးပေါ်လာပါတယ်။ ဒီအထိစောင့်ဖတ်ပေးကြတဲ့ ပရိသတ်ရော၊ ခင်ဗျားဟာက ဘာကြီးလဲဆိုပြီး ဆက်မဖတ်ဖြစ်တော့တဲ့ ပရိသတ်တွေကိုပါ ကျေးဇူးအထူးတင်ပါတယ်ဗျိုး။ #spring #audiobook #khetzaw #horror