खोटाङको प्रसिद्ध हलेसी महादेव मन्दिर दर्शन !

नेपालको खोटाङ जिल्लामा अवस्थित प्रसिद्ध धार्मिक तथा पर्यटकीय स्थल हलेसी महादेव मन्दिर हिन्दु, बौद्ध तथा किरात धर्मावलम्बीहरूको आस्थाको पवित्र केन्द्र हो। प्राकृतिक रूपमा निर्मित गुफाभित्र विराजमान भगवान् हलेसी महादेवको दर्शन गर्न देश–विदेशबाट हजारौँ श्रद्धालु भक्तजनहरू आउने गर्छन्। धार्मिक आस्था, प्राकृतिक सौन्दर्य र ऐतिहासिक महत्त्वले भरिपूर्ण यस पवित्र धामले नेपालको धार्मिक पर्यटनमा विशेष पहिचान बनाएको छ।