Dağınıq Skleroz NƏDİR?...

Nevroloq və Neyromodulyasiya mütəxəssisi Leyla Şahbazova bildirib ki, Dağınıq skleroz əksərən gənc yaşlarda başlayan, proqressiv artan və nəhayət, müalicə edilməzsə, ağır əlilliyə səbəb ola bilən sinir xəstəliyidir. Bəzən dağınıq sklerozu terminoloji oxşarlığına görə yaşlı insanlarda rast gəlinən ateroskleroz xəstəliyi ilə qarışdırırlar. Bilmək lazımdır ki, bunlar tam müxtəlif xəstəliklərdir. Dağınıq sklerozun ən xoşagəlməz xüsusiyyəti insanın cavan yaşlarında ciddi əlilliyə səbəb olmasıdır. Xəstəliyin ilk simptomları o dərəcədə müxtəlif ola bilir ki, bəzən ilkin diaqnozun qoyulması həkimlər üçün də çətin olur. Görmə pozğunluqları, əl və ayaqlarda keylik və zəiflik, başgicəllənmə, sidik ifrazının çətinləşməsi və bu kimi rəngarəng simptomlar bu xəstəliyin erkən əlaməti kimi təzahür edə bilər. Buna görə, hər bir şəxs orqanizmində hər hansı bu tipli narahatlıq hiss edərsə, düzgün diaqnozun qoyulması üçün həkimə müraciət etməlidir. 📌Xəbərləri bizdən alın, Xəbərsiz qalmayın! 📍Web saytımız - http://ikisahil.az 📍 X: https://x.com/ikisahilnews 📍 Youtube:    / İkisahiltv   📍 Facebook:   / ikisahil   📍 Telegram: https://t.me/ikisahil 📍 Threads: https://www.threads.net/@ikisahil 📍 Instagram:   / ikisahil