Class ten Nepali lesson 11 kartavya "कर्तव्य" कथा

गुरुप्रसाद मैनालीको परिचय गुरुप्रसाद मैनाली नेपाली साहित्यका प्रसिद्ध कथाकार तथा यथार्थवादी कथाका प्रमुख स्रष्टा हुन्। उनको जन्म वि.सं. १९५७ साल फागुन १० गते काभ्रेपलाञ्चोक जिल्लाको कानपुरमा भएको थियो। उनको निधन वि.सं. २०२८ साल वैशाख २ गते भएको थियो। मैनालीले नेपाली समाज, ग्रामीण जीवन, पारिवारिक सम्बन्ध, मानवीय संवेदना, गरिबी, सामाजिक असमानता र नैतिक द्वन्द्वलाई आफ्ना कथाको मुख्य विषय बनाएका छन्। उनका कथामा सामान्य नेपाली मानिसका सुख–दुःख, भावना, व्यवहार र जीवनका वास्तविक पक्षहरू स्वाभाविक रूपमा प्रस्तुत भएका पाइन्छन्। उनको प्रसिद्ध कथासङ्ग्रह ‘नासो’ नेपाली कथासाहित्यको महत्वपूर्ण कृति मानिन्छ। यस सङ्ग्रहमा ‘नासो’, ‘कर्तव्य’, ‘छिमेकी’, ‘परालको आगो’, ‘सहिद’ लगायतका चर्चित कथाहरू समावेश छन्। विशेषगरी ‘कर्तव्य’ कथामा पारिवारिक सम्बन्ध, दाजुभाइबीचको मनमुटाव, कर्तव्यबोध, त्याग र पारिवारिक मर्यादालाई प्रभावकारी रूपमा प्रस्तुत गरिएको छ। मैनालीको कथालेखनको प्रमुख विशेषता सरल, स्वाभाविक र जीवन्त भाषा हो। उनले ग्रामीण नेपाली समाजलाई नजिकबाट नियालेर पात्रहरूको मनोविज्ञान र सामाजिक यथार्थलाई कथामा उतारेका छन्। तउनीआधुनिक नेपाली कथाका प्रवर्तक हुन्। उनलाई यथार्थवादी आदर्शोन्मुख अग्रणी कथाकारका रूपमा सम्मान गरिन्छ।