ომი იემენში - სამხედრო შეტევა ჰუსიტების წინააღმდეგ

იემენის საერთაშორისოდ აღიარებულმა მთავრობამ ჰუსიტების მოძრაობის წინააღმდეგ ფართომასშტაბიანი სამხედრო შეტევა დაიწყო. ოპერაციის სახელია „იემენის განთიადი”. საუდის არაბეთის მეთაურობით მოქმედი კოალიციის მიერ მხარდაჭერილი ძალები ჰუსიტების მიერ დაკავებული ტერიტორიების უკან დაბრუნებას და 12 წლის წინ დაკარგული კონტროლის აღდგენას ცდილობენ. სამიზნეა წითელი ზღვის გასწვრივ მდებარე სტრატეგიული ზონებიც. მათ შორის ჰუსიტების მიერ ცოტა ხნის წინ დაკავებული ბაბ-ელ-მანდები, რომელიც საერთაშორისო საზღვაო მიმოსვლისთვის უმნიშვნელოვანესი მარშრუტია და წითელ ზღვას ადენის ყურესთან აკავშირებს, პარალელურად კი სუეცის არხისკენ გასასვლელს უზრუნველყოფს. საპასუხო დარტყმებს ახორციელებენ შიიტი „ჰუსიტებიც“. ორმხრივი იერიშების და ესკალაციის ფონზე მსოფლიოს ერთ-ერთ ყველაზე ღარიბ ქვეყნად მიჩნეულ იემენში ამ დრომდე მწვავე ჰუმანიტარული კრიზისია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.