O Seminario de Onomástica responde: Vedra | Luz Méndez

O adxectivo arcaico vedro, -a, procedente do adxectivo latino VETERUM, deixou de usarse na nosa lingua na Idade Media, polo que apenas se usa no léxico común. Pola contra, deixou moita pegada na nosa toponimia: o concello coruñés de Vedra é un bo exemplo. A académica correspondente e membro do Seminario de Onomástica da RAG Luz Méndez explica neste novo vídeo da serie O Seminario de Onomástica responde a motivación que levou a empregar un adxectivo cualificativo para dar nome a este concello. Tamén dá as chaves para comprendermos a etimoloxía do topónimo Oza do concello de Teo, porque é moi probable que teña unha orixe diferente a outros topónimos semellantes que existen no territorio galego.