લાખ લાખ વંદન સ્વામી મહંતને....મહંતસ્વામી મહારાજ જન્મ જયંતિ દિને ઘનશ્યામ મહારાજા મૂર્તિદર્શન

જય સ્વામિનારાયણ કીર્તન લાખ લાખ વંદન સ્વામી મહંતને, હરખે વધાવિયે સ્વામી મહંતને, જન્મોના વામ્યા સંતાપને, જોયા છે નેણ ભરી નાથને. ૧ વેણ વદે અલ્પ કરે નેણથી જ વાતો, નજરુંથી બાંધે છે પ્રેમ તણો નાતો, મલકંતા મુખડાની માયા લગાડી ને, ભૂલ્યો હું જૂઠા સંગાથને... જોયા છે. ૨ પામ્યો જ્યાં સ્વામીનો મીઠો સથવારો, સહેજે સહેજે કીધો દુનિયાથી ન્યારો, માયાનો ગોકીરો ઠારી દીધો ને, મારા હૈયામાં ધરબી નીરાંતને... જોયા છે. ૩ સ્વામીની મરજીમાં આયખું ઓગાળવું, એમના જ આકારે જીવતરને ઢાળવું, લોકો પડતા જેના પાવમાં એ જગદીશે, ઝાલી દીધો મારા હાથને... જોયા છે. ૪