«Мен кішкентай ауылданмын, бірақ жүрегім үлкен»| Наталья Арыстанова - Қазақстан әйелдерінің феномені

Ол кәсібін небәрі жиырма шаршы метрлік жерден бастаған. Бүгінде Наталья Арыстанованың екі мың шаршы метрлік өндірістік алаңы, ArNa атты жеке бренді, тігін өндірісі және отыз адамнан тұратын командасы бар. Отыз жылдан бері қазақ отбасына келін болып, қазақ тілінде көбімізден еркін сөйлейді. «Қазақстан әйелдерінің феномені» подкастының жаңа шығарылымы. Бұл жолы Гүлзат Избасарова Наталья Арыстановамен шағын ауылда өскен қыздың қалай құрылыс технигі әрі геодезист мамандығын меңгергені, неліктен Теміртауда отыз бес жыл бойы тұрақтап қалғаны және шахталар мен металлургия дамыған өңірде әйел адамға кәсіп жүргізудің қандай екені туралы әңгімелесті. Алғашқы табыс пен қиын кезеңдер, кәсіпкерге медиатордың не үшін қажет екені, тіл мен отбасылық дәстүрлер, сондай-ақ Қазақстанның іскер әйелдер қауымдастығының Қарағанды облыстық филиалы кәсіпкер әйелдердің дамуына қалай көмектесетіні де сөз болады. Қонақ: Наталья Арыстанова — Қазақстанның іскер әйелдер қауымдастығы Қарағанды облыстық филиалының төрайымы, ArNa брендінің негізін қалаушы, кәсіби медиатор. Жүргізуші: Гүлзат Избасарова — Қазақстанның іскер әйелдер қауымдастығының төрайымы.