#02: Përballje: Zgjedhjet Lokale 2025, gjeopolitika dhe ekonomia - Analizë nga Shpend Ahmeti

Në këtë episod me ish-kryetarin e Prishtinës, Shpend Ahmetin, diskutohet për rezultatet e zgjedhjeve lokale në Prishtinë dhe në mbarë Kosovën, me theks te balotazhi dhe ndikimi i “votës neutrale” në kryeqytet. Ahmeti analizon raportet ndërmjet partive politike, mundësitë e bashkëpunimeve pas raundit të parë dhe e cilëson garën në Prishtinë si njërën ndër më të ngushtat ndonjëherë. Në pjesën e dytë, biseda zhvendoset në skenën qendrore politike, ku Ahmeti flet për bllokimin institucional, për mundësinë e zgjedhjeve të reja nacionale, si dhe për ndikimin e diskursit të Lëvizjes Vetëvendosje në gjithë opozitën. Ndërsa në fund, fokusi kalon te gjendja ekonomike e vendit, ku Ahmeti e përshkruan ekonominë e Kosovës si “zemrën që rreh ngadalë”, duke theksuar problemet me mungesën e investimeve, rritjen e normave të interesit dhe ndikimin e buxhetit të bllokuar në zhvillimin ekonomik. Mbështetur nga: EXFIS Exfis është kompani që vepron në tregun e derivateve të naftës në Kosovë, e specializuar në importin, shpërndarjen dhe shitjen me pakicë e shumicë të karburanteve me standarde evropiane. Për më shumë:   / exfisquality