Khit Thit Evening News | 7 August 2026

Khit Thit သတင်းဌာန၏ ဩဂုတ် ၇ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဩဂုတ် ၇ ရက် ညနေပိုင်း တင်ဆက်ပေးမယ့် သတင်းတွေကတော့ တိုင်းရင်းသားတော်လှန်ရေးအင်အားစုတွေနဲ့ ပူးပေါင်းပြီး မဟာဗျူဟာထိုးစစ်အတွက် ရှေ့လုပ် ငန်းစဉ်တွေကို NUG တပ်မှူးကြီးများအစည်းအဝေးက ချမှတ်လိုက်တယ်လို့ ပြည်သူ့ ကာကွယ်ရေးတပ်မတော်၊ PDF စစ်ရုံးချုပ်က တရားဝင်သတင်းထုတ်ပြန်လာပါတယ်။ -ထိုင်းနိုင်ငံမှာ မြန်မာအကြမ်းဖက် စစ်ခေါင်းဆောင် မင်းအောင်လှိုင်ရောက်နေတဲ့အချိန် ဘန်ကောက်မြို့က စာသင်ကျောင်းတစ်ခုအတွင်း သေနတ်ပစ်ခတ်မှုဖြစ်ပွားပြီး သေဆုံးသူတွေနဲ့ ဒဏ်ရာရတဲ့သူတွေပါရှိထားတယ်လို့ထိုင်းအာဏာပိုင်တွေရဲ့ ထုတ်ပြန်ချက်အရသိရပါတယ်။ -မြန်မာနိုင်ငံရဲ့ ပဋိပက္ခတွေ အဆုံးသတ်နိုင်ဖို့အတွက် ဒေါ်အောင်ဆန်းစုကြည်ကို ခြွင်းချက်မရှိ ပြန်လွှတ်ပေးပြီး သက်ဆိုင်သူ အားလုံးပါဝင်တဲ့ တွေ့ဆုံဆွေးနွေးမှုတွေ လုပ်ဆောင်ဖို့ အမေရိကန်ပြည်ထောင်စုက အတိအလင်း တိုက်တွန်းလာပါတယ်။ -အမေရိကန်နဲ့ အီရန်စစ်ပွဲမှာ အမေရိကန်ဘက်က အီရန်ရဲ့ လျှပ်စစ်ဓာတ်အားပေးစက်ရုံတွေကို တိုက်ခိုက်လာရင် အိမ်နီးချင်း ပင်လယ်ကွေ့နိုင်ငံတွေ အကုန်လုံး မီးပြတ်သွားအောင် တုံ့ပြန်မယ်လို့ အီရန် က ခြိမ်းခြောက်လာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်