試真D｜江美儀逐一點評四位拍檔 吳業坤大食被封「自私坤」

試真D｜江美儀逐一點評四位拍檔 吳業坤大食被封「自私坤」 江美儀 吳業坤 周嘉洛 朱敏瀚 以及 曾展望 主持嘅新節目《試真D》星期一（13號）首播，四位喺首播當晚相約飯聚睇節目，睇得開心又肉緊。呢次美儀姐同四位男士合作，佢對大家有唔同嘅評價。 myTV SUPER跟主持一齊試真D https://www.mytvsuper.com/tc/programm... 美儀姐就話，坤哥好大食，食飯一碗碗咁嚟，仲有個花名叫「自私坤」，而朱仔大膽又有義氣，大家唔敢嘗試嘅時候，朱仔就會攬下任務。至於GM就被指係最多嘴，無論講咩都可以兜到。嘉洛參與行程時間較短，但就係最唔識食嘅人。 美儀姐出名轉數快口才好，四位為咗搏出位，當然都要落力表現。坤哥就話感覺多咗個姐姐，嘉洛更識講，話自己多咗個妹妹，因為美儀姐食到好食嘅嘢就會露出少女心。GM就話當美儀姐係女，點知就被嘉洛爆料，拍攝期間，GM女友 葉蒨文 去深圳探班，而家GM話自己有個女令其他人都開始起哄，令GM好怕醜。 4月18號係坤哥36歲生日，大家都有送上蛋糕為佢提早慶祝。至於生日正日當日，坤哥就會喺深圳開騷，佢就話四位拍檔有心就自己出現，令大家都即刻再次話佢係自私坤。 《試真D》星期一至五晚 22:30 翡翠台 #試真D #江美儀 #吳業坤 #周嘉洛 #朱敏瀚 #曾展望 #TVB綜藝 #生日 #慶生 #花名 #飯聚 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0